सध्या भारताचा संघ(team india) बांग्लादेशविरुद्ध T२० मालिका खेळत आहे, या मालिकेमध्ये टीम इंडियाने ३ सामान्यांच्या मालिकेत २-० अशी आघाडी घेतली आहे. सांगायचं झालं तर भारताच्या संघाने सूर्यकुमारच्या नेतृत्वाखाली मालिका नावावर केली आहे. त्याचबरोबर भारताच्या संघाची बांग्लादेशविरुद्ध कसोटी मालिका झाली. यामध्ये टीम इंडियाने रोहित शर्माच्या नेतृत्वाखाली भारताच्या संघाने बांग्लादेशविरुद्ध एकतर्फी विजय मिळवला.
टीम इंडियासाठी (team india)होणाऱ्या कसोटी मालिका फार महत्वाच्या आहेत कारण वर्ल्ड टेस्ट चॅम्पियनशिपमध्ये भारताच्या संघाला फायनलमध्ये जाण्यासाठी मदत होणार आहे. नोव्हेंबरच्या शेवटी आणि डिसेंबर महिन्याच्या सुरुवातीला भारत विरुद्ध ऑस्ट्रेलिया यांच्यामध्ये बॉर्डर गावस्कर ट्रॉफीचे सामने होणार आहे हे सामने वर्ल्ड टेस्ट चॅम्पियनशिपच्या दृष्टीने महत्वाचे आहेत. परंतु आता भारतीय संघाला मोठा धक्का बसला आहे.
टीम इंडियाला मोठा फटका बसू शकतो कारण रोहित शर्मा मालिकेतील पहिले २ सामने मुकण्याची शक्यता वर्तवली जात आहे. भारत-ऑस्ट्रेलिया पाच सामन्यांची कसोटी मालिका २२ नोव्हेंबरपासून सुरू होणार आहे, जी जागतिक कसोटी चॅम्पियनशिप फायनल (WTC फायनल 2025) च्या दृष्टिकोनातून खूप महत्त्वाची असेल. आता बीसीसीआयच्या एका सूत्राने पीटीआयच्या हवाल्याने सांगितले की, “या परिस्थितीबाबत अद्याप कोणतीही स्पष्टता किंवा अधिकृत माहिती देण्यात आली नाही.
रोहितने बीसीसीआयच्या अधिकाऱ्यांशी संपर्क साधल्याचे कळले आहे की, वैयक्तिक कारणांमुळे तो बॉर्डर-गावसकर यांच्यातील पहिले दोन सामने गमावू शकणार नाही.” मालिका सुरू होण्यापूर्वी या संभाव्य वैयक्तिक समस्यांचे निराकरण झाल्यास, रोहित सर्व ५ सामन्यांसाठी उपलब्ध होऊ शकतो. येत्या काही दिवसांत अधिक माहिती उघड होईल.
जर रोहित शर्मा पहिल्या 2 सामन्यांमधून बाहेर पडला तर त्याच्या जागी दुलीप ट्रॉफी २०२४ मध्ये भारत ब संघाचा कर्णधार अभिमन्यू ईश्वरन घेऊ शकतो. ईश्वरनचे नाव पुढे आले कारण तो बॉर्डर-गावस्कर करंडक स्पर्धेदरम्यान ऑस्ट्रेलियात असेल, भारत अ संघाचे कर्णधार असेल. ईश्वरन मोठ्या लयीत धावत आहे. त्याने दुलीप ट्रॉफीमध्ये २ शतकी खेळी खेळली आणि नुकत्याच झालेल्या इराणी चषक २०२४ च्या मुंबई विरुद्ध शेष भारत सामन्यातही त्याने १९१ धावांची शतकी खेळी खेळून खळबळ उडवून दिली.
हेही वाचा:
रतन टाटांच्या निधनानंतर काय स्थिती टाटा ग्रुप्सच्या शेअरची? काय म्हणतंय शेअर बाजार?
PAK vs ENG: पाकिस्तानच्या सहा गोलंदाजांची अद्भुत बॉलिंग, एक ‘द्विशतका’जवळ!
लॉजवर प्रेयसीची हत्या करून प्रियकराची आत्महत्या; पोलिसांनी ठोठावला होता दरवाजा…