मुंबई: महाराष्ट्राचे मुख्यमंत्री एकनाथ शिंदे यांनी केलेल्या एका विधानाने राजकीय(political) वर्तुळात मोठी चर्चा रंगली आहे. शिंदे यांनी एका कार्यक्रमात बोलताना म्हटलं, “आठ तासांत मी १० हजार फाईलींवर सह्या करतो.” या विधानानंतर राजकीय तज्ञ आणि विरोधी पक्षांनी या वक्तव्यावर विविध प्रतिक्रिया दिल्या आहेत.
मुख्यमंत्र्यांनी प्रशासनातील कार्यक्षमता आणि वेग यावर भर देताच, त्यांनी आपले कामकाज किती जलद गतीने सुरू असल्याचं दाखवण्याचा प्रयत्न केला. “माझं उद्दिष्ट महाराष्ट्राच्या जनतेसाठी वेगवान निर्णय घेणं आणि विकासाच्या दिशेने प्रगती करणं आहे,” असं त्यांनी स्पष्ट केलं.
या विधानावर विरोधकांनी टीका करत मुख्यमंत्री शिंदे यांच्यावर निशाणा साधला आहे. विरोधी पक्षनेत्यांनी हे विधान “अवास्तव” आणि “प्रचारासाठीचं” असल्याचं म्हटलं आहे. विरोधकांचा आरोप आहे की, इतक्या मोठ्या प्रमाणात फाईलींवर सह्या करणं शक्यच नाही आणि मुख्यमंत्री प्रशासनाचा धावता आढावा घेत आहेत.
तर, शिंदे समर्थकांनी या वक्तव्याचं समर्थन करत सांगितलं की, मुख्यमंत्री शिंदे यांचा प्रशासनावर जबरदस्त पकड आहे आणि त्यांनी कामाची गती वाढवून महाराष्ट्राच्या विकासात नवी ऊर्जा आणली आहे.
सध्या हे विधान सामाजिक माध्यमांवर आणि राजकीय मंचांवर चर्चेचं केंद्रबिंदू ठरलं आहे.
हेही वाचा:
इचलकरंजीतील पाण्यासाठीचे आंदोलन अधिक ताकदीने उभा करू – शिवसेना जिल्हाप्रमुख संजय चौगुले
उद्धव ठाकरेंचा जनाधार संपला, सत्ता टिकवण्यात अपयश! – देवेंद्र फडणवीस
आईची हत्या करून अवयव शिजवून खाल्ले; आरोपीला फाशीची मागणी