सांगली जिल्ह्यात कृष्णा आणि वारणा नद्यांना जास्त पाणी आल्यामुळे काठावरील गावात पूरस्थिती(flood) निर्माण झाली आहे. याबाबत शासन आणि प्रशासन सज्ज असून सर्व आवश्यक खबरदारी घेण्यात येत असल्याचे पालकमंत्री आणि राज्याचे कामगार मंत्री सुरेश खाडे यांनी पत्रकार परिषदेत सांगितले.
खाडे यांनी पत्रकारांना माहिती दिली की, पूरग्रस्त भागात नागरिकांचे स्थलांतर करण्याचे(flood) आदेश दिले गेले आहेत. एनडीआरएफची तुकडी सज्ज असून, पूरग्रस्त भागातील पुल बंद करण्यात आले आहेत. त्यांनी सांगितले की, कृष्णा आणि वारणा नद्यांतील पाणी पातळी ३२ फूट आहे आणि पूर वाढण्याची शक्यता लक्षात घेऊन सर्व विभागांना सूचना देण्यात आल्या आहेत.
यावेळी कामगार मंत्री खाडे यांनी नागरिकांना घाबरू नये आणि शासनाच्या आदेशाचे पालन करण्याचे आवाहन केले. त्याचबरोबर, जत, खानापूर, आटपाडी, कवठेमहांकाळ, तासगाव तालुक्यात दुष्काळी परिस्थिती असल्याचे सांगितले आणि सिंचन योजनांचे सर्व पंप सुरू करण्याचे आदेश दिले.
गुरुवारी सकाळी पर्यंत पूरग्रस्त भागातील १३ कुटुंबातील ८६ नागरिकांना सुरक्षित स्थळी स्थलांतरित करण्यात आले असून, पूरग्रस्तांना अन्न आणि निवारा योग्य मिळवण्याची खबरदारी शासन घेईल, असेही खाडे यांनी सांगितले.
हेही वाचा :
‘..तर रोहित शर्मा बेशुद्ध पडेल,’ भारताच्या दिग्गज खेळाडूने गौतम गंभीरला सुनावलं
कोल्हापुरला वाचवण्यासाठी सतेज पाटलांनी गाठले कर्नाटक
कोल्हापूर : ‘पंचगंगे’ने धोक्याची पातळी ओलांडली, ८३ बंधारे, १० राज्यमार्ग पाण्याखाली