पंढरपूर, २४ सप्टेंबर २०२४: श्री विठोबा मंदिराच्या दर्शनासाठी भाविकांची संख्या दिवसेंदिवस वाढत आहे, आणि यामुळे दर्शनाची रांग सतत वाढते आहे. भाविकांना होणारा त्रास लक्षात घेऊन महाराष्ट्र शासनाने (government)मोठा निर्णय घेतला आहे. विठुरायाच्या दर्शनासाठी सोयी-सुविधांमध्ये सुधारणा करण्यासाठी तब्बल १२९ कोटी रुपयांची तरतूद करण्यात आली आहे.
या निधीतून दर्शनासाठी विशेष रांग व्यवस्था उभारली जाणार आहे, ज्यामुळे भाविकांना लवकर आणि आरामशीरपणे दर्शन घेता येईल. यामध्ये आधुनिक तंत्रज्ञानाचा वापर करून रांगेत उभ्या असलेल्या भाविकांची संख्या नियंत्रित करणे, ऑनलाइन बुकिंगसाठी सुविधा, तसेच मंदिर परिसरात आरामदायी सोयी उभारणे यासारख्या गोष्टींचा समावेश आहे.
पंढरपूरच्या महत्त्वपूर्ण असलेल्या श्री विठोबा मंदिरातील या योजनेंतर्गत भाविकांच्या सुरक्षेची विशेष काळजी घेण्यावर भर देण्यात येणार आहे. मंदिराच्या परिसरात सुरक्षा व्यवस्था वाढवली जाईल, तसेच भाविकांच्या सोयीसाठी मंदिराबाहेर नव्या विश्रांतीगृहांचे बांधकामही केले जाणार आहे.
मुख्यमंत्री एकनाथ शिंदे यांनी या प्रकल्पाची घोषणा करताना सांगितले की, “श्री विठोबाच्या दर्शनासाठी येणाऱ्या भाविकांना असणाऱ्या अडचणी आता दूर होतील. ही योजना भाविकांच्या सेवेसाठी आहे आणि मंदिराच्या प्राचीन परंपरेला अनुसरून आधुनिक सोयी-सुविधा उपलब्ध करून दिल्या जातील.”
भाविकांमध्ये या निर्णयामुळे आनंदाचे वातावरण आहे, आणि आता विठुरायाचे दर्शन अधिक सुखकर होईल, अशी आशा व्यक्त केली जात आहे.
हेही वाचा:
मनोज जरांगेंच्या उपोषणाचा आठवा दिवस, प्रकृती प्रचंड खालावली
प्रश्न व संशय निर्माण करणारे अक्षय शिंदे याचा एन्काऊंटर
‘मी विराट कोहलीला विकतोय, तो जास्त पैशांसाठी …’, मेगा लिलावाआधी मोठं विधान