बिजनोर: उत्तर प्रदेशातील बिजनोर जिल्ह्यात एक धक्कादायक घटना उघडकीस आली आहे. मेहुणीसोबतच्या विवाहबाह्य संबंधांमुळे पत्नीचा(wife) काटा काढण्यासाठी पतीने रचलेल्या कटाचा पर्दाफाश पोलिसांनी केला आहे. या प्रकरणात पोलिसांनी आरोपी पती अंकित कुमार आणि त्याच्या साथीदाराला अटक केली आहे.
घटनेचा तपशील: नागेना पोलीस स्टेशन परिसरात राहणारा अंकित कुमार आपली पत्नी किरणसोबत राहत होता. काही दिवसांपूर्वी त्याने पत्नीला माहेरी आणण्यासाठी गेला. त्यानंतर नियोजित कटानुसार, पत्नीला दुचाकीवरून सासरी नेत असताना राजपुरा पेट्रोल पंपावर पेट्रोल भरण्यासाठी थांबले. यावेळी त्याने पत्नीला रस्त्यावर फेरफटका मारायला सांगितले.
तेव्हाच, एक भरधाव वेगाने येणाऱ्या कारने किरणला जोरदार धडक दिली आणि कार चालक घटनास्थळावरून फरार झाला. या धडकेत किरणचा जागीच मृत्यू झाला. यानंतर अंकितने पोलिसांकडे अपघाती मृत्यूची तक्रार दाखल केली. मात्र, पोलिसांनी प्रकरणाचा सखोल तपास सुरू ठेवला आणि सीसीटीव्ही फुटेजच्या मदतीने या प्रकरणाचा छडा लावला.
पोलिस तपास आणि आरोपीचा गुन्हा उघड पोलिसांनी संशयाच्या आधारे अंकितला ताब्यात घेतले. कसून चौकशी केल्यानंतर त्याने पत्नीच्या(wife) हत्येचा कट रचल्याची कबुली दिली. लग्नाला पाच वर्षे होऊनही किरण गरोदर राहिली नव्हती, याच काळात त्याचे मेहुणीसोबत प्रेमसंबंध जुळले. मात्र, तो विवाहित असल्याने मेहुणीने त्याच्यासोबत लग्न करण्यास नकार दिला. यामुळे त्याने पत्नीला संपवण्याचा कट रचला.
यासाठी त्याने आपल्या मित्राची मदत घेतली आणि नियोजित पद्धतीने अपघात घडवून आणला. मात्र, पोलिस तपासाने कट उघडकीस आल्याने आरोपी अंकित आणि त्याच्या साथीदाराला अटक करण्यात आली आहे. पोलिसांनी या दोघांवर कठोर कारवाई करण्याचे संकेत दिले आहेत.
ही घटना विवाहबाह्य संबंधांमधून होणाऱ्या गुन्हेगारी प्रवृत्तीचे उदाहरण आहे. या प्रकारामुळे समाजात कुटुंब व्यवस्थेवरील विश्वास डळमळीत होण्याचा धोका आहे. पोलिसांच्या सतर्कतेमुळे हा कट उघडकीस आला असून आरोपींवर कठोर कायदेशीर कारवाई होणार आहे.
हेही वाचा :
“मुलगी दुसऱ्या घरी गेली तर…”, वडिलांनी स्वतःच्या मुलीशी केलं लग्न; व्हायरल व्हिडिओ
जिल्ह्यात धक्कादायक घटना! ‘या’ भागातील कचऱ्याच्या ढिगाऱ्यातील बरणीत आढळले मृत अर्भक
सोनू निगमवर दगड आणि बाटल्या फेकण्यात आल्या, पुढे काय घडलं पाहा, VIDEO व्हायरल