यशराज फिल्मची सर्वात मोठी फ्रँचाइझी ‘धूम’ चित्रपटाचे तीन भाग आतापर्यंत रिलीज झाले आहेत. या चित्रपटाचे सर्व भाग बॉक्स ऑफिसवर प्रचंड हिट ठरले होते. अशातच आता या चित्रपटाच्या चौथ्या भागाची चाहते आतुरतेने वाट पाहत आहेत. ‘धूम 4’ मध्ये अभिनेता(actress) रणबीर कपूर आपली जादू दाखवताना दिसणार असल्याचं म्हटलं जात आहे. या चित्रपटात तो चोर बनून पोलिसांना अडचणीत आणणार आहे.
आता या चित्रपटाबाबत एक नवीन माहिती समोर आली आहे. ‘धूम 4’ चित्रपटामध्ये एका बॉलिवूड अभिनेत्रीची (actress) एन्ट्री झाल्याचा दावा केला जात आहे. मीडिया रिपोर्टनुसार, या चित्रपटामध्ये निर्माते रणबीर कपूरच्या जुन्या सहकलाकाराला आणत असल्याचे सांगितले जात आहे.
‘धूम 4’ चित्रपटासंदर्भात एक नवीन अपडेट समोर आली आहे. मीडिया रिपोर्टनुसार, या चित्रपटात रणबीर कपूरसोबत अभिनेत्री श्रद्धा कपूर देखील दिसणार आहे. रिपोर्टनुसार, या चित्रपटात श्रद्धा कपूरची एन्ट्री झाली असून ती अभिनेता रणबीर कपूरसोबत रोमान्स करताना दिसणार आहे. त्यामुळे रणबीर कपूर आणि श्रद्धा कपूरचे चाहते देखील प्रचंड खूश झाले आहेत. याआधी देखील दोघे ‘तू झूठी मैं मक्कार’ या चित्रपटात एकत्र दिसले होते. या दोघांनी बॉक्स ऑफिसवर धुमाकूळ घातला होता.
दरम्यान, ‘धूम 4’ या चित्रपटात देखील दोघेही प्रेक्षकांना प्रभावित करतील असा अंदाज वर्तवला जात आहे. परंतु, काही चाहते या अहवालांवर अजिबात खूश नाहीत. कारण चाहत्यांना तृप्ती डिमरीला पुन्हा एकदा रणबीर कपूरसोबत बघायचे आहे. तर काही चाहत्यांचे म्हणणे आहे की, या चित्रपटात रणबीर कपूरसोबत दीपिका पदुकोणला कास्ट करावे.
‘धूम’ चित्रपटाचा पहिला भाग 2004 मध्ये प्रदर्शित झाला होता. तेव्हापासून अभिषेक बच्चन या चित्रपटाशी जोडला गेला आहे. चित्रपटाच्या तिन्ही भागांमध्ये अभिषेक बच्चन एका पोलिस अधिकाऱ्याच्या भूमिकेत आणि चोराला पकडताना दिसत आहे. पहिल्या भागात जॉन अब्राहम खलनायकाच्या भूमिकेत दिसला होता.
‘धूम 2’ मध्ये अभिषेक बच्चन आणि ह्रतिक रोशन यांची टक्कर झाली होती. तर तिसऱ्या भागात आमिर खान खलनायकाच्या भूमिकेत दिसला होता. मात्र, ‘धूम 4’ मध्ये अभिषेक बच्चन पोलिस अधिकाऱ्याच्या भूमिकेत दिसणार नसल्याचा दावा केला जात आहे.
हेही वाचा:
…अन्‍यथा ३१ ऑक्‍टोबरला पेट्रोलपंप बंद करणार
IPL 2025 मध्ये RCB कडून खेळणार रोहित शर्मा? अश्विनने सेट केली हिटमॅनची किंमत
खळबळजनक ! पोटच्या मुलीवर बापाने केला अत्याचार; पत्नी बाहेर जाताच रात्री मुलीला…