करोना महामारीने अनेकांच्या जीवनावर परिणाम केला, पण याच संकटातून काहींनी आपली वाट स्वतः शोधली. अशाच एका उद्योजकाचा (entrepreneur)प्रवास म्हणजे शशी भूषण तिवारी. दिल्लीतील भाजीविक्रेते म्हणून कार्यरत असताना, करोना काळातील अडचणींमुळे त्यांना आपला व्यवसाय सोडून बिहारच्या मुझफ्फरपूर येथे आपल्या गावी परतावे लागले. मात्र, या अडचणींना सकारात्मकतेने सामोरे जात त्यांनी मशरूम शेती करण्याचा निर्णय घेतला आणि आज ते दररोज लाखो रुपयांची कमाई करीत आहेत.
शशी भूषण यांनी अत्याधुनिक तंत्रज्ञानाचा वापर करून एका छोट्या खोलीत बटन मशरूमची लागवड सुरू केली. यशाच्या वाटेवर असताना, त्यांनी व्यवसायाचा विस्तार करत २० खोल्या मशरूम उत्पादनासाठी तयार केल्या. या खोल्यांमधून ते दररोज १.८ टन मशरूमचे उत्पादन घेतात, ज्यातून दररोज दोन लाख रुपयांची कमाई होते.
शशी भूषण यांच्या पुढाकारामुळे, त्यांच्या कुटुंबीयांसोबतच बिहारमधील अनेक ग्रामीण महिलांना रोजगाराची संधी मिळाली आहे. या महिलांना मशरूम लागवडीचे प्रशिक्षण दिले जाते, ज्यामुळे त्या स्वतःचे छोटे युनिट्स सुरू करू शकतात. शशी भूषण तिवारी यांनी केवळ शेतीत यश मिळविले नाही, तर त्यांनी सामाजिक परिवर्तनासाठीही मोलाचे कार्य केले आहे.
त्यांचे यश आणि पुढील उद्दिष्ट म्हणजे निर्यातीसाठी मशरूम उत्पादनाचा विस्तार करणे, ज्यामुळे भारतीय बाजारातच नव्हे, तर आंतरराष्ट्रीय बाजारातही ते आपली ओळख निर्माण करू शकतील.
हेही वाचा :
राज्यातील हवामानाचा संक्षिप्त आढावा आणि पुढील काही दिवसांसाठी पावसाचा अंदाज
धक्कादायक ट्रेन अपघाताचा थरारक व्हिडिओ व्हायरल, सुदैवाने जीवितहानी नाही
बदनामीच्या भीतीने गर्भवती अल्पवयीन मुलीची वडिलांकडूनच हत्या