दसऱ्याच्या दिवशी म्हणजेच 12 ऑक्टोबरला राष्ट्रवादी अजित पवार गटाचे नेते बाबा सिद्दीकी यांची गोळ्या घालून हत्या करण्यात आली आहे. या घटनेला जवळपास आठवडा होत आला आहे. मात्र या घटनेमागे लॉरेन्स बिश्नोईचा हात असल्याचं उघडकीस आलं आहे. मात्र आता लॉरेन्स बिश्नोईने सलमान खानला(actor) देखील धमकी दिली आहे.त्यामुले सलमानच्या सुरक्षेत कडकोट वाढ करण्यात आली आहे.
अभिनेता सलमान खानला(actor) लॉरेन्स बिश्नोईच्या नावे पुन्हा धमकी देण्यात आली आहे. मात्र आता सलमान खानसोबत असलेले भांडण संपवण्यासाठी लॉरेन्स बिश्नोई गँगने तब्ब्ल 5 कोटी रुपयांची मागणी केल्याची माहिती समोर आली आहे. अशातच अभिनेता सलमान खानकडे 5 कोटींची मागणी करणारा हा धमकीचा मेसेज मुंबई ट्राफिक पोलिसांना मिळाला आहे. हा मेसेज पाठवणाऱ्या तर्फे आपण लॉरेन्स बिश्नोई गँगचा सदस्य असल्याचा दावा देखील करण्यात आला आहे.
यासंदर्भांत अधिक माहिती अशी की, ट्रॅफिक पोलिसांच्या मोबाईलवर व्हॉट्सॲपद्वारे एक मेसेज पाठवण्यात आला आहे. या मेसेजमध्ये सलमान खानला जीवे मारण्याची धमकी देण्यात आली आहे. यामध्ये असं नमूद केलं आहे की, लॉरेन्स बिश्नोईसोबतचं वैर संपवण्यासाठी समलान खानकडून 5 कोटी मागितले आहे. तसेच हा मेसेज हलक्यात घेऊ नका, अन्यथा सलमान खानची अवस्था देखील बाबा सिद्दीकींपेक्षा खूप वाईट होईल असा थेट इशारा या धमकीच्या मेसेजमध्ये देण्यात आला आहे. मात्र आता सलमान खानला आलेल्या या मेसेजमुळे सर्वत्र खळबळ उडाली असून सुरक्षा एजन्सींमध्ये देखील चिंता वाढली आहे.
सलमान खानला धमकी आल्यानंतर त्यांच्या सुरक्षेत देखील वाढ करण्यात आली आहे. सलमानच्या सुरक्षेसाठी जवळपास 100 मुंबई पोलिसांचे जवान तैनात करण्यात आले आहेत. वांद्र्यातील सलमान खानच्या ‘गॅलेक्सी अपार्टमेंट्स’ बाहेर देखील तब्बल 24 तास पोलिसांचा पहारा देण्यात आला आहे.
याशिवाय सीसीटीव्हीच्या मदतीने देखील सुरक्षेवर कडक नजर ठेवली जात आहे. तसेच बँडस्टँड आणि गॅलेक्सी अपार्टमेंट्सजवळ 60 पेक्षा जास्त पोलीस अधिकारी तैनात करण्यात आले आहेत.
हेही वाचा:
भारीच.. ‘या’ योजनेत सरकार शेतकऱ्यांना देतंय 15 लाख रुपये
लाडक्या बहीणींना खरंच दिवाळी बोनस मिळणार?, जाणून घ्या सत्य
अजितदादांच्या त्रासाला कंटाळून भाजप सोडतोय; माजी मंत्र्याचं विधान