अमरावती: आंध्रप्रदेशातील मुचुमरी येथील धक्कादायक घटनेत 8 वर्षाच्या मुलीवर(graders) सामूहिक बलात्कार करून तिची हत्या करण्यात आल्याने एकच खळबळ उडाली आहे. या गुन्ह्यातील सर्व आरोपी अल्पवयीन असून त्यांचे वय 12 आणि 13 आहे. पोलिसांनी तिन्ही आरोपींना ताब्यात घेतले आहे.
पोलिसांच्या माहितीनुसार, मुचुमरी सिंचन कालव्यात(graders) मुलीच्या मृतदेहाची विल्हेवाट लावण्यात आल्याचे आरोपींनी सांगितले आहे. अद्याप मुलीचा मृतदेह सापडलेला नाही. ही घटना आंध्रप्रदेशची राजधानी अमरावतीपासून 300 किमी अंतरावर असलेल्या मुचुमरीमध्ये घडली आहे.
तिसरीत शिकणारी पीडित मुलगी रविवारपासून बेपत्ता होती. तिच्या वडिलांनी स्थानिक पोलीस ठाण्यात तक्रार दाखल केली होती की मुलगी मुचुमरी पार्कमध्ये खेळत होती पण तिथून घरी परतलीच नाही. पोलिसांनी तपास सुरु केला होता, परंतु सुरुवातीला त्यांना काहीच माहिती मिळाली नाही.
स्निफर डॉगच्या मदतीने पोलिसांनी आरोपी मुलांपर्यंत पोहोचले. आरोपींमध्ये दोन 12 वर्षीय 6 वीचे विद्यार्थी आणि एक 13 वर्षीय 7 वीचा विद्यार्थी आहे. तिघेही पीडित मुलीच्या शाळेचेच विद्यार्थी आहेत. चौकशीदरम्यान मुलांनी मुलीवर बलात्कार करून तिची हत्या केल्याची कबुली दिली.
आरोपींनी सांगितले की, त्यांनी मुलीला उद्यानात खेळताना पाहिले होते आणि तिच्यासोबत खेळायला लागले. त्यानंतर त्यांनी तिला मुचुमरी धरणाजवळील निर्जन भागात नेऊन तिच्यावर बलात्कार केला. मुलीने घाबरून पालकांना सांगितल्यास अडचणीत येऊ शकतो या भीतीने त्यांनी तिची हत्या करून तिचा मृतदेह कालव्यात फेकून दिला.
मुचुमरी पोलिस स्टेशनचे उपनिरीक्षक जयशेखर यांनी सांगितले की, अद्याप बेपत्ता प्रकरण म्हणून तपास सुरू आहे कारण मुलीचा मृतदेह सापडलेला नाही.
हेही वाचा :
कोल्हापूर : तर एसटी कर्मचाऱ्यांचे धरणे आंदोलन
अस्ताव्यस्त पार्किंगमुळे इचलकरंजीतील नागरिकांना त्रास!
वाहतूक पोलिसांनी दंडात्मक कारवाईपेक्षा अपघात प्रतिबंधावर लक्ष केंद्रित करावे, नागरिकांची मागणी