आयसीसी चॅम्पियन्स ट्रॉफी २०२५ मध्ये आता काही मोजकेच सासाखळी सामने शिल्लक आहेत. भारतीय संघाचा(Indian team) पुढील सामना २ मार्च रोजी न्यूझीलंडविरुद्ध आहे. भारताने आधीच उपांत्य फेरीत आपले स्थान निश्चित केले आहे, त्यामुळे हा सामना फक्त औपचारिकता आहे. ग्रुप अ मधील दोन्ही संघ एकही सामना न गमावता सेमीफायनलमध्ये पोहोचले आहेत. अशा परिस्थितीत, आता भारतीय संघाचा कर्णधार रोहित शर्माच्या दुखापतीसंदर्भात मोठी अपडेट समोर आली आहे. हॅमस्ट्रिंगच्या दुखापतीमुळे त्रस्त असलेला भारतीय कर्णधार रोहित शर्माला या सामन्यासाठी विश्रांती दिली जाऊ शकते.
संघ व्यवस्थापन देखील या मुद्द्यावर विचार करत आहे. भारताचा उपांत्य(Indian team) सामना ४ मार्च रोजी आहे, त्यामुळे संघ व्यवस्थापन रोहित शर्मावर कमीत कमी दबाव आणू इच्छिते. जर रोहित शर्माला न्यूझीलंडविरुद्ध विश्रांती देण्यात आली तर शुभमन गिल एकदिवसीय क्रिकेटमध्ये कर्णधारपदाची भूमिका निभावताना दिसू शकतो.
चॅम्पियन्स ट्रॉफीसाठी शुभमन गिलची रोहित शर्माचा उपकर्णधार म्हणजेच संघाचा उपकर्णधार म्हणून निवड करण्यात आली आहे. पाकिस्तानविरुद्धच्या सामन्यादरम्यान, जेव्हा रोहित शर्मा दुखापतीमुळे मैदानाबाहेर गेला तेव्हा गिलने काही काळ संघाची जबाबदारी सांभाळली. जरी काही काळानंतर हिटमन मैदानावर आला आणि त्याने आपली जबाबदारी स्वीकारण्यास सुरुवात केली, परंतु तो १०० टक्के तंदुरुस्त दिसत नव्हता.
वृत्तानुसार, रोहित शर्मा आणि शुभमन गिल दोघांनीही बुधवारी फलंदाजीच्या सराव सत्रात भाग घेतला नाही. रोहित जखमी झाला होता आणि गिलला बरे वाटत नव्हते. तथापि, गुरुवारी गिलने एका वेगळ्या सत्रात भाग घेतला, जे पाहून भारतीय चाहत्यांनी सुटकेचा नि:श्वास सोडला. जर रोहित शर्माला न्यूझीलंडविरुद्धच्या सामन्यासाठी विश्रांती देण्यात आली तर ऋषभ पंतला संघात स्थान मिळू शकते. त्याच वेळी, केएल राहुल शुभमन गिलसह डावाची सुरुवात करताना दिसू शकतो.
Prepping for #NZvIND #TeamIndia | #ChampionsTrophy pic.twitter.com/YpL0V6aCKw
— BCCI (@BCCI) February 27, 2025
आम्ही तुम्हाला सांगतो की टीम इंडियाकडे कोणताही बॅकअप ओपनर नाही. यशस्वी जयस्वालला आधी संघात स्थान देण्यात आले होते, परंतु शेवटच्या क्षणी त्याला प्रवासी राखीव संघात समाविष्ट करण्यात आले आणि भारताने वरुण चक्रवर्तीला टॉप-१५ मध्ये स्थान दिले.
भारताचा संघ सेमीफायनलचा सामना ४ मार्च दुबई आंतरराष्ट्रीय स्टेडियमवर खेळवला जाणार आहे. त्याआधी भारताचा संघ न्यूझीलंडविरुद्ध लढणार आहे. न्यूझीलंडच्या संघाने चॅम्पियन ट्रॉफी आधी झालेल्या घरच्या मैदानावर झालेल्या कसोटी सामन्यांमध्ये टीम इंडियाला ३-० ने पराभूत केले होत. त्यामुळे आता शेवटच्या साखळी सामन्यांमध्ये दोन्ही संघ अपराजित राहून सेमीफायनलमध्ये प्रवेश करू इच्छित.
हेही वाचा :
राणीसारखं आयुष्य जगतेय प्रियांका चोप्रा; संपत्तीचा आकडा ऐकून थक्क व्हाल
महागाईमुळे त्रस्त लोकांसाठी आनंदाची बातमी; पेट्रोलच्या किंमतीत घट
गटारात मेथी भाजी धुणाऱ्या भाजीवाल्याचा Video समोर