नवी दिल्ली : नुकत्याच पार पडलेल्या T20 विश्वचषकात(trophy) टीम इंडियाने अंतिम सामन्यात दक्षिण अफ्रिकेचा पराभव करत तब्बल 17 वर्षांनंतर विश्वचषकावर भारताचं नाव कोरलं आहे. त्यानंतर आज (दि.4) भारतीय संघाचं भारतात आगमन झालं. नवी दिल्लीत भारतीय संघाने पंतप्रधान नरेंद्र मोदींची भेट घेतली. या भेटीदरम्यान फोटोसेशन करण्यात आले. यातील एका फोटोची सध्या सोशल मीडियावर जोरदार चर्चा सुरू असून, चर्चेच्या केंद्रस्थानी टीम इंडिया नव्हे तर, पुन्हा एकदा मोदीचं आहेत.
मोदी कोणत्याही ठिकाणी गेले की त्यांचे फोटो काढले जातात. विरोधकांकडून मोदींच्या(trophy) या फोटोसेशनवर नेहमी टीका केली जाते. ज्या ठिकाणी कॅमेरा असतो तेथे मोदी चर्चेत राहण्यासाठी आवर्जून पोज देतात असे विरोधकांकडून नेहमी बोलले जाते. आजही मोदींनी भारतीय संघासोबत काढलेल्या फोटो मागेही असाच त्यांचा हेतू असेल असे अनेकांना वाटू शकते. मात्र, मोदींची ही कृती चर्चेत राहण्यासाठी नव्हे तर, अलिखित नियमाचे तंतोतंत पालन करण्यासाठी केलेली आहे.
भारतीय संघाचं दिल्लीत आगमन झाल्यानंतर सर्व खेळाडू पंतप्रधान नरेंद्र मोदींच्या निवास्थनी दाखल झाले. येथे मोदी आणि भारतीय संघातील खेळाडूंमध्ये तब्बल दीड तास हसत खेळत गप्पा झाल्या. या गप्पांचा व्हिडिओदेखील समोर आला आहे. यात मोदी खेळाडूंसोबत अतिशय मनमोकळपणाने गप्पा मारताना दिसून येत आहेत. या गप्पांनंतर मोदींनी भारतीय संघ आणि जिंकलेल्या चषकासोबत फोटोदेखील काढले, याच फोटोची आणि मोदींनी केलेल्या कृतीची सध्या चर्चा सुरू आहे.
मोदींच्या निवासस्थानी रंगलेल्या गप्पांनंतर टीम इंडियाने जिंकलेल्या ट्रॉफीसह मोदींनी खेळाडूंसोबत एक ग्रुप फोटो काढला. या फोटोत मोदींच्या डाव्या हाताला द वॉल म्हणजेच राहुल द्रविड तर उजव्या हाताला हीट मॅन म्हणजेच भारतीय संघाचं नेतृत्त्व करणार कॅप्टन रोहित शर्मा उभा असून, हातात जिंकलेली ट्रॉफी आहे. प्रथमदर्शी हा फोटो बघताना ही ट्रॉफी मोदींनी धरली आहे असे वाटते. मात्र, प्रत्यक्षात ही ट्रॉफी मोदींनी नव्हे तर, रोहित आणि राहुल द्रविडने धरली असून, मोदींनी केवळ या दोन्ही खेळेडूंच्या हाताला स्पर्श केलेला आहे.
The triumphant Indian Cricket Team met with the Honourable Prime Minister of India, Shri Narendra Modiji, at his official residence today upon arrival.
— BCCI (@BCCI) July 4, 2024
Sir, we extend our heartfelt gratitude to you for your inspiring words and the invaluable support you have provided to… pic.twitter.com/9muKYmUVkU
एखादा संघ किंवा व्यक्तीने जिंकलेल्या ट्रॉफी/पदकाला केवळ संघ किंवा खेळाडूंनीच स्पर्श केला पाहिजे, असा अलिखित नियम आहे. याच नियमाचं तंतोतंत पालन करत मोदींनी फोटोसेशनवेळी जिंकलेल्या ट्रॉफीला हात न लावता केवळ खेळाडूंच्या हाताला स्पर्श केला आहे. सध्या मोदींच्या या कृतीचं सोशल मीडियावर कौतुक केलं जात आहे.
हेही वाचा :
होंडाची ‘अमेज़’ लवकरच तुमच्या भेटीला: नव्या जनरेशनसह कमालीचे सुरक्षा फीचर्स
कोल्हापुरात व्यावसायिकाला व्हॉट्सॲपच्या माध्यमातून 2.51 कोटींचा गंडा
कोल्हापूर-सांगली रोडवर एसटी-दुचाकी अपघात, दोन विद्यार्थी गंभीर जखमी