अमरावतीच्या खासदार नवनीत कौर राणा यांच्या अनुसूचित जातीचे प्रमाणपत्र बोगस(supreme court) ठरवणाऱ्या मुंबई उच्च न्यायालयाच्या निकालाला आव्हान देणाऱ्या याचिकेवर सर्वोच्च न्यायालय आज निकाल देणार आहे. नवनीत राणा अमरावती लोकसभा मतदार संघातून भाजपकडून आज उमेदवारी अर्ज भरणार आहेत. त्यामुळे सर्वोच्च न्यायालयाच्या निकालावर सर्वांचे लक्ष लागले आहे.
सर्वोच्च न्यायालय आज (गुरुवार) सकाळी ११ वाजता निकाल(supreme court) देणार आहे. नवनीत राणा म्हणाल्या, १२ ते १३ वर्षापासून मी संघर्ष करत आहे. आज उमेदवारी अर्ज भरण्यापूर्वी मला निकाल कळेल. महिलांच्या मागे नेहमी संघर्ष असतो.
मुंबई उच्च न्यायालयाने नवनीत राणा यांचं जात प्रमाणपत्र बोगल ठरवलं होतं. २०१९ उमेदवारी अर्ज भरताना बनावच जात प्रमाणपत्र दिल्याचा आरोप राणा यांच्यावर करण्यात आला होता. आता सर्वोच्च न्यायालय काय निर्णय देणार यावर नवनीत राणा यांचं भवितव्य देखील अवलंबून असणार आहे.
नवनीत राणा भाजपच्या कमळावर अमरावतीतून निवडणूक लढवणार आहेत. त्यांनी प्रचाराला देखील सुरुवात झाली आहे. त्यांनी आज मंदिरात जावून दर्शन केले. आज त्या उमेदवारी अर्ज देखील भरणार आहेत. २८ फेब्रुवारीला सुनावणी पूर्ण झाली होती. त्यामुळे निकाल कधी येणार याकडे सर्वांचे लक्ष लागले होते.
२०१९ ला नवनीत राणा अपक्ष खासदार होत्या आता त्या भाजपच्या उमेदवार आहेत. राणा यांनी २०१४ मध्ये राष्ट्रवादीच्या तिकिटावर पहिल्यांदा अमरावतीमधून निवडणूक लढवली आणि शिवसेनेच्या आनंदराव अडसूळ यांच्याकडून त्यांचा पराभव झाला. २०१९ मध्ये त्यांनी राष्ट्रवादीच्या पाठिंब्यावर अपक्ष म्हणून निवडणूक लढवली आणि अडसूळ यांचा पराभव केला.
गेल्या महिन्यात, सर्वोच्च न्यायालयाने नवनीत राणा यांच्या जात प्रमाणपत्र रद्द करण्याच्या मुंबई उच्च न्यायालयाच्या निर्णयाला आव्हान देणाऱ्या याचिकेवरील निर्णय राखून ठेवला होता. ८ जून २०२१ रोजी उच्च न्यायालयाने सांगितले की, ‘मोची’ जात प्रमाणपत्र बनावट कागदपत्रांचा वापर करून फसवणूक करून मिळवले गेले. अमरावतीच्या खासदाराला २ लाखांचा दंडही ठोठावला होता.
हेही वाचा :
कोल्हापुरात गस्तीपथकाने पकडला दहा लाखांचा गुटखा
17 रुपयांची साडी…2 कोटींची गाडी…महायुतीत निवडणुकीच वातावरण तापलं
हातकणंगलेत धैर्यशील मानेच महायुतीचे उमेदवार असतील, सदाभाऊ खोत यांचा दावा