मुंबई: महाविकास आघाडीत सांगलीच्या जागेवरुन निर्माण झालेला तिढा(goodluck)अद्याप सुटलेला नाही. सांगलीच्या जागेचा विषय ठाकरेसेना आणि काँग्रेसनं प्रतिष्ठेचा केलेला आहे. सांगलीसाठी काँग्रेसचे विशाल पाटील आग्रही आहेत. त्यांनी अपक्ष उमेदवारी जाहीर केली आहे. काँग्रेसचे स्थानिक पदाधिकारी आणि कार्यकर्तेदेखील अडून बसल्यानं वरिष्ठ नेत्यांची अडचण झाली आहे. यातून मार्ग काढण्यासाठी आता काँग्रेसनं उद्धव ठाकरेंना नवा प्रस्ताव दिला आहे.
सांगलीची जागा आम्हाला सोडा आणि मुंबई उत्तरची जागा(goodluck) तुम्हाला घ्या, असा प्रस्ताव काँग्रेसनं उद्धव ठाकरेंना दिला असल्याचं वृत्त आहे. काँग्रेसच्या वरिष्ठ नेत्यांकडून हा प्रस्ताव ठाकरेंना देण्यात आला आहे. मतदारसंघाची अदलाबदल करण्यासाठी काँग्रेसकडून माजी मुख्यमंत्री पृथ्वीराज चव्हाण हे उद्धव ठाकरेंशी चर्चा करत आहेत. सांगलीची लढत उद्धव ठाकरेंसाठी अवघड आहे. सांगलीत उद्धव गटाची फारशी ताकद नाही. त्यांची संपूर्ण मदार काँग्रेस आणि शरद पवारांच्या राष्ट्रवादीवर आहे.
सांगलीत जी अवस्था उद्धव ठाकरेंच्या शिवसेनेची तीच स्थिती काँग्रेसची उत्तर मुंबईत आहे. काँग्रेसकडे उत्तर मुंबईत तगडा उमेदवार नाही. त्यामुळे सांगली द्या आणि उत्तर मुंबई घ्या, अशी ऑफर काँग्रेसनं ठाकरेंना दिली आहे. १९ एप्रिलपर्यंत सांगलीसाठी उमेदवारी अर्ज भरायचा आहे. त्याआधी ठाकरे सकारात्मक प्रतिसाद देतील, अशी आशा काँग्रेस नेत्यांना आहे.
उद्धव ठाकरेंनी सांगलीत प्रचारसभा घेत डबल महाराष्ट्र केसरी चंद्रहार पाटील यांची उमेदवारी जाहीर केली. काँग्रेसच्या वरिष्ठ नेत्यांनी त्यांना उमेदवारी मागे घेण्यासाठी विनंती केली. पण ठाकरेंनी माघार घेतलेली नाही. आम्ही २०१९ मध्ये कोल्हापूर, हातकणंगलेच्या जागा जिंकल्या. पण त्या जागा आम्ही सोडल्या आहेत. कोल्हापूरची जागा शाहू छत्रपतींसाठी सोडली आहे. ते काँग्रेसच्या तिकिटावर लढत आहेत. त्यामुळे आम्हाला सांगलीची जागा हवी, असा युक्तिवाद ठाकरेसेनेकडून केला जात आहे.
सांगलीच्या बदल्यात उत्तर मुंबई हा प्रस्ताव ठाकरेंनी नाकारल्यास काँग्रेसनं उत्तर मुंबई लढण्याची तयारी सुरू केली आहे. या ठिकाणी काँग्रेसकडे तगडा उमेदवार नाही. त्यामुळे शिवसेनेचे माजी आमदार विनोद घोसाळकर किंवा त्यांच्या स्नुषा तेजस्वी घोसाळकर यांना काँग्रेसमध्ये प्रवेश देऊन उमेदवारी देण्याची तयारी काँग्रेसनं केली आहे. पण घोसाळकर काँग्रेसकडून लढण्यास उत्सुक नसल्याचं कळतं.
हेही वाचा :
अधिवास बदलला आणि बिबट्यांची दहशत वाढली
रामनवमीनिमित्त निघालेल्या मिरवणुकीत हिंसाचार; जाळपोळ अन् दगडफेक, १८ जखमी
कोल्हापूर : वादग्रस्त वक्तव्यानंतर शाहू छत्रपती कुटुंब आणि मंडलिक एकत्र