खेळताना खणीकडे गेलेल्या ईश्वर कोमल कांबळे (वय ७, रा. लक्ष्मी नगर, धरणगुत्ती, जयसिंगपूर) या मुलाचा गोळीबार खणीत पडून मृत्यू झाल्याची घटना सोमवारी सकाळी अकराच्या सुमारास घडली. (Dharangatti) याबाबतची वर्दी रमेश शिवलिंग कांबळे यांनी शिरोळ पोलिसांत दिली .
याबाबत पोलिसांतून मिळालेली माहिती अशी, ईश्वर हा दुसरीच्या वर्गात शिकत होता. तो सोमवारी सकाळी अकराच्या सुमारास मित्रांसोबत खेळण्यासाठी गेला होता. (Dharangatti) यावेळी जयसिंगपूर शहरालगत असलेल्या धरणगुत्ती हद्दीतील गोळीबार खणीतील पाण्यात ईश्वर पडला. सोबत असलेल्या मुलांनी नागरिकांना ईश्वर खणीत पडल्याचे सांगितले.
स्थानिक नागरिकांनी तत्काळ खणीत उतरून त्याला बाहेर काढले व जयसिंगपूर येथील प्राथमिक आरोग्य रुग्णालयात आणले. मात्र, डॉक्टरांनी उपचारापूर्वीच तो मृत झाल्याचे सांगितले. (Dharangatti) त्यानंतर मिरज येथील शासकीय रुग्णालयात शवविच्छेदन करून मृतदेह नातेवाईकांच्या ताब्यात देण्यात आला. अधिक तपास शिरोळ पोलिस करीत आहेत.
हेही वाचा :
स्मार्ट मीटर बसवा, नाहीतर लाईट बंद महावितरणकडून २४ तासांचा अल्टिमेटम
कार्डधारकांना फटका एनसीएमसी सक्तीमुळे एसटी प्रवाशांना भुर्दंड
