प्रियांका चोप्रा (actress)जोनास लवकरच तिच्या ‘सिटाडेल’ या स्पाय ॲक्शन सीरिजच्या नवीन सीझनद्वारे चाहत्यांच्या भेटीस येणार आहे. या सिरीजचा पहिला सीझन 2023 साली आला आणि त्याने काही वेळातच प्रेक्षकांच्या हृदयात स्थान निर्माण केले. या मालिकेत ॲक्शन, ड्रामा आणि बुद्धिमत्व यांचा उत्तम मिलाफ पाहायला मिळाला. ती OTT वर सर्वाधिक पहिल्या स्थानावर असलेली सिरीज होती. आता ‘सिटाडेल सीझन 2’ सोबतही तीच जादू कायम ठेवण्यात यशस्वी होईल असे आपण म्हणू शकतो. येत्या सीझनमध्ये तुम्हाला नवीन काय पाहायला मिळणार आहे जाणून घ्या.
आगामी सीझनमध्ये सस्पेन्स कायम ठेवण्यासाठी निर्मात्यांनी अद्याप कथेबद्दल कोणतीही विशिष्ट माहिती दिलेली नाही. जर तुम्ही ‘सिटाडेल’ चे चाहते असाल तर तुम्हाला माहित असेल की पहिल्या सीझनमध्ये अनेक रहस्ये होती ज्यांची उत्तरे चाहत्यांना मिळाली नाहीत आणि अनुत्तरित राहिली, त्यापैकी एक मेसनची खरी ओळख होती. अशा अनेक प्रश्नांची उत्तरे ‘सिटाडेल 2’ मध्ये मिळतील अशी अपेक्षा आहे.
प्रियांका चोप्रा(actress) जोनास सीझन 2 मध्ये नादिया सिंगच्या भूमिकेत परतणार आहे. अभिनेत्रीचा सहकलाकार रिचर्ड मॅडेन हा मेसन केन/काईल कॉनरॉयच्या भूमिकेत दिसणार आहे. याशिवाय स्टॅनले टुसी, लेस्ले मॅनविले, ॲशले कमिंग्स, रोलँड मोलर, निक्की अमुका-बर्ड आणि मोइरा केली हे इतर कलाकार दिसणार आहेत.
आत्तापर्यंत, सिटाडेल सीझन 2 साठी कोणत्याही प्रकाशन तारखेची पुष्टी केलेली नाही. पुढील दोन महिन्यांत दोन स्पिन-ऑफ रिलीज होतील (सिटाडेल: डायना, 10 ऑक्टोबरला आणि सिटाडेल: हनी बनी, 7 नोव्हेंबरला) रिलीज होणार आहे. त्यानुसार पुढील वर्षी दुसरा सीझन रिलीज होऊ शकतो. मिळालेल्या माहितीनुसार, 2025 मध्ये प्राइम व्हिडिओवर सिक्वेल रिलीज होणार आहे. तसेच, जो रुसो सिटाडेल सीझन 2 चे सर्व भाग दिग्दर्शित करणार आहेत.
हेही वाचा:
शिंदे गटाचे जिल्हा प्रमुख गोपाल अरबट यांच्या कारवर गोळीबार
सुरज चव्हाण झळकला मोठ्या पडद्यावर! चित्रपटातील रोमँटीक गाणं रिलीज
भाजपला मोठा धक्का! फडणवीसांच्या जवळचा ‘हा’ नेता तुतारी हाती घेणार