एलपीजी सिलेंडर बुक केल्यानंतर तो नेमका कधी घरी पोहोचणार, याची चिंता आता ग्राहकांना करण्याची गरज नाही. गॅस वितरण कंपन्यांनी उपलब्ध करून दिलेल्या डिजिटल सुविधांमुळे ग्राहकांना सिलेंडरची संपूर्ण माहिती घरबसल्या मोबाईलवर मिळू शकते. बुकिंगपासून ते डिलिव्हरीपर्यंतचा प्रत्येक टप्पा आता सहज ट्रॅक करता येत आहे. सध्या आंतरराष्ट्रीय घडामोडींमुळे आणि काही भागांतील पुरवठा व्यवस्थेवरील ताणामुळे अनेक ठिकाणी एलपीजी सिलेंडर वितरणात विलंब होत असल्याच्या तक्रारी समोर येत आहेत. (LPG cylinder) त्यामुळे बुक केलेला सिलेंडर नेमका कधी मिळणार, याबाबत ग्राहकांमध्ये संभ्रम निर्माण होतो. मात्र नव्या ट्रॅकिंग सुविधेमुळे ही समस्या मोठ्या प्रमाणात दूर झाली आहे.
इंडेन, एचपी गॅस आणि भारत गॅस या प्रमुख कंपन्यांनी ग्राहकांसाठी अधिकृत मोबाईल अॅप्स उपलब्ध करून दिले आहेत. या अॅपमध्ये नोंदणीकृत मोबाईल क्रमांकाच्या मदतीने लॉगिन केल्यानंतर ग्राहकांना त्यांच्या बुकिंगची सद्यस्थिती पाहता येते. सिलेंडर बुक झाला आहे का, तो वितरण केंद्रातून पाठवण्यात आला आहे का किंवा डिलिव्हरीसाठी निघाला आहे का, याची सविस्तर माहिती अॅपमध्ये उपलब्ध असते. (LPG cylinder) ज्यांना मोबाईल अॅप वापरणे सोयीचे वाटत नाही, त्यांच्यासाठी संबंधित गॅस कंपनीच्या अधिकृत वेबसाइटवरही ही सुविधा उपलब्ध आहे. ग्राहक मोबाईल क्रमांक किंवा एलपीजी आयडीच्या आधारे लॉगिन करून आपल्या सिलेंडरची सद्यस्थिती तपासू शकतात.
याशिवाय, स्मार्टफोन नसलेल्या ग्राहकांसाठी एसएमएस आणि आयव्हीआरएस सेवांचाही पर्याय उपलब्ध आहे. बुकिंग केल्यानंतर मिळणाऱ्या संदेशांमधून डिलिव्हरीसंदर्भातील अपडेट्स मिळत राहतात. (LPG cylinder) तसेच कंपनीच्या आयव्हीआरएस क्रमांकावर कॉल करूनही सिलेंडरची माहिती जाणून घेता येते. या डिजिटल सुविधांमुळे ग्राहकांना डिलिव्हरीबाबतची अनिश्चितता कमी होण्यास मदत होत असून, सिलेंडरच्या प्रतीक्षेत वेळ वाया घालवण्याची गरज राहिलेली नाही.
हेही वाचा :
इंधन दरवाढ की दिलासा? पाहा आजचे पेट्रोल-डिझेलचे ताजे भाव?
1500 की 3000 लाडक्या बहिणींच्या बँक खात्यावर नेमके किती रुपये जमा?
