बॉलिवूड अभिनेता राजपाल यादव सध्या चेक बाऊन्स प्रकरणामुळे अडचणीत (cheque bounce) सापडला असून येत्या सोमवारी, 16 जानेवारी रोजी या प्रकरणी पुढील सुनावणी होणार आहे. 5 फेब्रुवारी रोजी त्याने तिहार तुरुंग येथे आत्मसमर्पण केल्यापासून तो तुरुंगातच आहे. तुरुंगात जाण्यापूर्वी “मी एकटा पडलोय, माझे कोणी मित्रही नाहीत,” अशी भावूक प्रतिक्रिया देत त्याने सर्वांचे लक्ष वेधले होते. त्यानंतर सोशल मीडियावर अनेक सेलिब्रिटींनी त्याला आर्थिक मदत जाहीर केली होती.
मात्र आता या प्रकरणाला वेगळे वळण (cheque bounce) मिळाले आहे. राजपालचा भाऊ श्रीपाल यादव याने ‘दैनिक भास्कर’ला दिलेल्या मुलाखतीत धक्कादायक दावा केला आहे. त्याच्या म्हणण्यानुसार, सोशल मीडियावर मदतीचे दावे मोठ्या प्रमाणात झाले, परंतु राजपालच्या कुटुंबाला प्रत्यक्षात कोणतीही आर्थिक मदत मिळालेली नाही. राजपालचे आर्थिक व्यवहार सांभाळणाऱ्या व्यक्तीनेही त्यांच्या खात्यात अद्याप कोणतीही रक्कम जमा झालेली नसल्याचे सांगितले आहे. जर कोणाकडून मदत पाठवली असेल, तर ती नेमकी कुठे आणि कोणाला दिली याची माहिती द्यावी, अशी विनंती श्रीपालने केली आहे. मात्र, जर कुणी खरंच मदत केली असेल तर त्यांचे आभार मानण्यास आम्ही तयार आहोत, असेही तो म्हणाला.
तुरुंगात जाण्यापूर्वी राजपालने भावाशी शेवटचा संवाद (cheque bounce) साधताना चिंता करू नका, मला फक्त एका दिवसासाठी कोर्टात जायचे आहे आणि काही कायदेशीर प्रक्रिया पूर्ण करायच्या आहेत, असे सांगितल्याची माहिती श्रीपालने दिली. कुटुंबीयांना विश्वास आहे की तो लवकरच तुरुंगातून बाहेर येईल.दरम्यान, ‘जेमट्युन्स म्युझिक’चे मालक इंदरजीत सिंह यांनी 1.1 कोटी रुपयांची मदत केल्याचे सांगितले जाते. तेज प्रताप यादव यांनी 11 लाख रुपयांची मदत जाहीर केली आहे. अभिनेता कमाल आर खान यांनी 10 लाख रुपयांची मदत केल्याचे सांगितले, तर गायक मिका सिंह यांनीही 11 लाख रुपयांची मदत जाहीर केली आहे. याशिवाय सलमान खान, गुरमीत चौधरी, वरुण धवन, अजय देवगण, गुरू रंधावा आणि सोनू सूद यांनीही मदतीचा हात पुढे केला असल्याची चर्चा आहे. मात्र या मदतीची रक्कम आणि ती प्रत्यक्षात कुटुंबापर्यंत पोहोचली आहे की नाही, याबाबत अजूनही संभ्रम कायम आहे.
या संपूर्ण प्रकरणामुळे सोशल मीडियावर जाहीर होणाऱ्या मदतीच्या घोषणांबाबत प्रश्नचिन्ह निर्माण झाले असून, प्रत्यक्ष मदत आणि तिची पारदर्शकता यावर आता चर्चेला उधाण आले आहे.
हेही वाचा :
मुलांसाठी विज्ञान-समर्थित आरोग्यपूरक: ‘वासु सुवर्णप्राशन ड्रॉप्स’चे फायदे आता क्लिनिकली मान्य
कुंडलीतील बुध ग्रह कमकुवत झाल्यास आयुष्यावर कसा होतो परिणाम ?
मोठी बातमी! एकनाथ खडसेंच्या अडचणी वाढल्या, सावदा पोलीस ठाण्यात गुन्हा दाखल, नेमकं काय आहे प्रकरण?