इचलकरंजी शहरातील आमराई रोडवरील काळा वड्याजवळील फुल परिसरातील काळ्या ओढ्यामध्ये मोठ्या प्रमाणात प्लास्टिक, प्लास्टिक बाटल्या आणि इतर कचरा साचलेला होता. या घाणीकडे महापालिकेच्या स्वच्छता विभागाने लक्ष देत विशेष स्वच्छता मोहीम राबवली.
या मोहिमेदरम्यान, परिसरातील साचलेला प्लास्टिक कचरा, पाण्यात अडकलेल्या बाटल्या, थरथरलेल्या पिशव्या इत्यादी गोष्टींची साफसफाई करण्यात आली. ओढ्याचे पाणी वाहते राहावे, तसेच पावसाळ्यात कचऱ्यामुळे गटार तुंबणे किंवा दुर्गंधी पसरू नये म्हणून महत्त्वाची खबरदारी घेण्यात आली.
महानगरपालिकेच्या वतीने नागरिकांना आवाहन करण्यात आले आहे की त्यांनी सार्वजनिक ठिकाणी प्लास्टिक कचरा टाकू नये, तो योग्य प्रकारे विलग करून देण्यास सहकार्य करावे. स्वच्छ, सुंदर व आरोग्यदायी इचलकरंजीसाठी प्रत्येक नागरिकाचा सहभाग महत्त्वाचा आहे, असे आवाहन प्रशासनाने केले आहे.
