मागील काही दिवसांपासून सरपंच(political) हत्या प्रकरणांमुळे बीड जिल्हा चांगलाच चर्चेत आहे. आता देखील अन्न आणि नागरी पुरवठा मंत्री धनंजय मुंडे यांच्या कैलास फड नावाच्या कार्यकर्त्याने हवेत गोळीबार केल्याचा एक व्हिडीओ व्हायरल झालाय.
त्याच्यावर गुन्हा दाखल करत परळी पोलिसांनी(political) आज त्याला अटक देखील केलीय. त्याला न्यायालयाने काल 26 डिसेंबर रोजी एका दिवसाची पोलीस कोठडी सुनावली आहे. शिवाय कैलास फड याच्याकडून पोलिसांनी एक परवानाधारक पिस्तूल देखील ताब्यात घेतलंय.
कैलास फड हवेत गोळीबार करत असतानाचा व्हिडिओ सामाजिक कार्यकर्त्या अंजली दमानिया यांनी X अकाउंटवर पोस्ट केला होता. याच व्हिडीओच्या आधारे परळी शहर पोलीस ठाण्यात गुन्हा देखील दाखल करण्यात आला होता. कारवाई करत पोलिसांनी कैलास फडला ताब्यात घेतलंय. हा व्हिडिओ जुना असून तो आता सोशल मीडियात व्हायरल होतोय. कैलास फड यांनी शस्त्रपूजा केल्यानंतर हवेत गोळीबार केला होता.
सामाजिक कार्यकर्त्या अंजली दमानिया यांनी X प्लॅटफॉर्मवर म्हटलंय की, वाह रे बीड आणि वाल्मिक कराडांची दहशत.आणि एक पिस्तुल धारी माणूस. दाउतपुर ता.परळी येथील सरपंच कांता फड आणि मुलगा कुणाल फड अवैध शस्त्र बाळगून दहशत पसरवत असल्याचं दमानिया यांनी म्हटलं आहे. वाल्मीक कराड आणि धनंजय मुंडे यांच्या छत्रछायेखाली? असा सवाल देखील त्यांनी विचारला आहे. ही तक्रार एसपी नवनीत कावत यांना दिली. कारवाईची अपेक्षा” असं अंजली दमानिया यांनी म्हटलंय.
ब्रेकिंग
— Mrs Anjali Damania (@anjali_damania) December 24, 2024
हवेत गोळीबार करून व्हिडिओ काढणाऱ्या धनंजय मुंडे यांच्या कार्यकर्त्यावर गुन्हा दाखल
राष्ट्रवादी अजित पवार गटाचे मंत्री धनंजय मुंडे यांचा कार्यकर्ता कैलास फड याचा हवेत गोळीबार करतानाचा व्हिडिओ ट्विट केला होता . या व्हिडिओच्या आधारे पोलिसांनी परळी शहर पोलीस ठाण्यात… pic.twitter.com/dlOjd5xv1k
सामाजिक कार्यकर्त्या अंजली दमानिया यांनी गृहमंत्री देवेंद्र् फडणवीस यांना देखील याप्रकरणी आवाहन केलंय. राज्यातील सर्व शस्त्र परवान्यांची ताबडतोब चौकशी लावा. गरज नसलेले परवाने रद्द करा. महाराष्ट्र गुंडांचा नसून छत्रपती शिवाजी महाराजांचा आहे. सोशल मीडियावर अशी रील दाखवल्यानंतर नवी पिढी काय प्रेरणा घेणार, असा सवाल त्यांनी केलाय. आपला देश असा असणार आहे का, असा सवाल देखील दमानिया यांनी केलाय. गरज नसलेले परवाने रद्द करा असं आवाहन त्यांनी मुख्यमंत्री देवेंद्र फडणवीस यांना केलंय.
हेही वाचा :
आज ‘या’ 6 राशीच्या व्यक्ती मालामाल होणार!
महाराष्ट्रातील रस्त्यावरची ट्रॅफीक हवेत नेण्यासाठी परिवहन मंत्र्याचा जबरदस्त प्लान
रोहित शर्मा जडेजावर भडकला! म्हणाला – त्याला आऊट कोण करणार मग? व्हिडीओ व्हायरल