शनिवारचा दिवस अत्यंत फायदेशीर मानला जातो. तसेच शनिवारचा दिवस शनिदेवाला समर्पित आहे. तसेच आज श्रावण महिन्याचा पहिला शनिवार आहे. या दिवशी काही उपाय केल्याने व्यक्तीला फायदा होऊ शकतो.
शिवलिंगावर काळ्या तिळांनी अभिषेक करा
शनिवारी सकाळी शिवलिंगावर काळे तीळ आणि पाण्याने अभिषेक करा. शनिवार आणि शनि यांचा काळ्या तिळाशी खोल संबंध असल्याचे म्हटले जाते. तांब्याच्या भांड्यात पाणी घेऊन त्यात काळे तीळ टाकून त्याचा शिवलिंगावर अभिषेक करा. यामुळे पापांपासून, शनिदोषापासून आणि आर्थिक समस्यांपासून सुटका होऊ शकते. शनि साडेसती दूर करण्यासाठी हा उपाय खूप प्रभावी मानला जातो.
अपराजित फुलाचा वापर
श्रावण महिन्यात शनिवारी शिवलिंगावर निळे फूल किंवा शमीची पाने अर्पण केल्याने शनिचा अशुभ प्रभाव दूर होतो. ज्यांच्या कुंडलीत शनिची साडेसाती किंवा धैय्या आहे त्यांनी हा उपाय करणे खूप फायदेशीर ठरते. शास्त्रांमध्ये शनिदेवाचे फूल म्हणून मानले जाते. पूजा करतेवेळी शमीची पाने अर्पण केल्याने शनिदोष दूर होतो आणि शनिदेव प्रसन्न देखील होतात अशी मान्यता आहे.
मोहरीच्या तेलाचा दिवा
श्रावण महिन्यातील शनिवारी सकाळी शिवलिंगाजवळ मोहरीच्या तेलाचा दिवा लावणे शुभ मानले जाते. हा दिवा शिवलिंगाच्या उजव्या बाजूला लावावा. तसेच ओम शनिश्चराय नमः या मंत्रांचा 10 किंवा 108 वेळा जप करावा. यामुळे नकारात्मक ऊर्जा दूर होते. त्यासोबतच आजार आणि अडथळ्यांपासून संरक्षण होते.
दूध आणि केशर
श्रावण महिन्यातील शनिवारी सकाळी स्नान केल्यानंतर शुद्ध गाईच्या दुधात थोडेसे केशर मिसळून मंत्रांसह शिवलिंगावर अर्पण करावे. जर वैवाहिक जीवनात सतत भांडणे, मतभेद किंवा वियोगाची परिस्थिती असल्यास हा उपाय करणे फायदेशीर ठरु शकते. केशर आणि दुधाच्या मिश्रणाने लक्ष्मी तत्व सक्रिय करते, ज्यामुळे संपत्ती आणि समृद्धीचा प्रवाह वाढतो.
शनिवारी शमीची पूजा करणे
श्रावण महिना हा महादेवाच्या पूजेसाठी सर्वात पवित्र महिना मानला जातो तर शनिवारचा दिवस शनिदेवाला समर्पित आहे. श्रावण महिन्यातील शनिवारी जर शमीची पूजा केल्याने शनिच्या वेदना, साडेसाती, धैय्या आणि सर्व अडथळ्यांपासून मुक्तता मिळते.
हेही वाचा :
Maruti Suzuki XL6 च्या बेस व्हेरिएंटची सहज मिळेल चावी, किती करावा लागेल डाउन पेमेंट?
हरिद्वारला फिरायला जाताय? तर तेथील ‘या’ प्रसिद्ध मंदिरांना द्या भेट
आजचा पहिला श्रावणी शनिवार राशी ठरणार भाग्यशाली! शनिदेवांचा आशीर्वाद आयुष्य बदलणार, आजचे राशीभविष्य वाचा
