मेष –
सर्व महत्त्वाचे ग्रह अनुकूल आहेत. व्यवसायात कार्यक्षमता वाढेल. (job sites)कामाचा उरक दांडगा राहील. आर्थिक स्थिती समाधानकारक राहील. नोकरीत तुमच्यावर वरिष्ठांची मर्जी राहील. जास्त सुविधा व सवलती मिळतील. नोकरदार महिलांना सहकाऱ्यांची मदत होईल. महिलांना गृहसौख्याचा अनुभव घेता येईल. वेळेचा सदुपयोग होईल.
वृषभ –
मानसिक व शारीरिक आरोग्य उत्तम राहील. आत्मविश्‍वासाने नव्या कामांना लागाल. व्यवसायात कल्पकता दाखवून कामे मार्गी लावाल. चांगल्या घटना मन प्रसन्न करतील. जास्त कामाची तयारी असेल तर वरकमाई करता येईल. नोकरीत इतरांचे छान सहकार्य मिळेल, केलेल्या कामाचे कौतुक सर्वजण करतील. पगारवाढीची शक्यता.
मिथुन –
‘मनी वसे ते स्वप्नी दिसे’ ह्या म्हणीचे प्रत्यंतर या सप्ताहात होईल. (job sites)व्यवसायात स्वप्ने साकार होतील, त्या दिशेने नवीन पाऊल टाकाल. अधिक गुंतवणूक करणे भाग पडेल. विरोधकांचा विरोध मावळेल. कामे गती घेतील. नोकरीत तुमची व तुमच्या कामाची किंमत इतरांना कळेल. जोडधंद्यातून विशेष लाभ होतील.
कर्क –
‘रात्र थोडी सोंगे फार’ अशी तुमची स्थिती होईल. व्यवसायातील नजरेच्या टप्प्यांतील कामे वेळेत पूर्ण करणे हेच उद्दिष्ट राहील. कर्तव्यपूर्तींकडे विशेष लक्ष द्याल. पैशाची आवक सुधारेल.(job sites) नोकरीत कर्तृत्व दाखवण्याची सुसंधी मिळेल. बिनचूक राहून कामे वेळेत पूर्ण करा. विद्यार्थ्यांनी अभ्यासावर लक्ष केंद्रित करावे.
सिंह –
या सप्ताहात काही संस्मरणीय घटना घडतील. मानसन्मान, अनपेक्षित लाभाची शक्यता. व्यवसायात आत्मविश्‍वास वाढेल. महत्त्वाचे करारमदार होतील. कामात मोठ्यांच्या सल्ल्याचा उपयोग होईल. नोकरीत भेटीगाठीमुळे कामे होतील. मिळालेल्या संधीचा फायदा उठवाल. पैशाची चिंता मिटेल.
कन्या –
व्यवहारी धोरण ठेवून कामांना प्राधान्य द्याल. परिस्थितीवर मात करून प्रश्‍न मार्गी लावाल. नोकरीत विरोधकांवर मात कराल. आर्थिक व कामाचे नियोजन अचूक होईल. महत्त्वाचे पत्रव्यवहार होतील. कामानिमित्ताने प्रवास होईल. महिलांना घरातील इतर व्यक्तींच्या वागण्याचा विचित्र अनुभव येईल. कुणाकडून कुठलीही अपेक्षा ठेवू नका.
तूळ –
मनःशांती टिकवणे तुमच्या हातात आहे, तरी प्राणायाम व ध्यानधारणा करून शांत राहण्याचा प्रयत्न करावा. व्यवसायात नवीन आव्हाने स्वीकारावी लागतील. हातून चांगली कामे होतील. नोकरीत संयमाने वागून सर्वांशी सलोख्याचे संबंध ठेवावेत. मते व विचार पटले नाहीत तरी शांत राहावे.
वृश्‍चिक –
या सप्ताहात तुम्हाला माणसांची पारख होईल. व्यवसायात विस्तार करण्याच्या दृष्टीने महत्त्वाचे निर्णय घ्यावे लागतील. कर्तव्यपूर्तीकडे विशेष लक्ष द्यावे लागेल. पैशाची उभारणी करावी लागेल. नोकरीतील कामात वरिष्ठ व सहकाऱ्यांची मदत मिळेल, ही अपेक्षा फोल ठरेल. अतिआत्मविश्‍वास टाळावा. महिलांनी झेपेल तेवढेच काम करावे.
धनू –
ग्रहमानाची साथ मिळेल. हितचिंतकांच्या मदतीने व्यवसायात नवीन कामे मिळतील. रेंगाळलेली कामे गती घेतील. प्रगतीचा आलेख चढता राहील. नोकरीत वेळेचा सदुपयोग कराल. कमी श्रमात जास्त यश संपादन कराल. जुनी येणी वसूल झाल्याने आर्थिक प्रश्‍न संपेल. बेरोजगारांना नोकरीची संधी मिळेल. मानसिक समाधान मिळेल.
मकर –
व्यवसायात अशक्य वाटणाऱ्या कामात यश मिळवून दाखवाल. तुमचा आत्मविश्‍वास, जिद्द वाखाणण्याजोगी असेल. हातातील कामे वेळेत संपवून मगच नवीन कामे हाती घ्याल. आर्थिक परिस्थिती समाधानकारक राहील. नोकरीत वरिष्ठ महत्त्वाच्या कामासाठी तुमची निवड करतील, त्या निमित्ताने नवीन गोष्टी शिकण्याची संधी मिळेल.
कुंभ –
या सप्ताहात अनपेक्षित फायदा देणाऱ्या घटना घडतील. व्यवसायात वसुलीचे प्रमाण वाढेल. पैशाची चिंता मिटेल. मनातील सुप्त बेत साकार होतील. नोकरीत पूर्वी केलेल्या कामाचे श्रेय तुम्हाला आता मिळेल. वरिष्ठ व सहकारी कामात मदत करतील. कामानिमित्ताने प्रवास घडेल. महिलांना उत्तम मनःस्वास्थ्य राखता येईल.
मीन –
तुमच्या सकारात्मक दृष्टिकोनामुळे अनेक तऱ्हेने लाभ होईल. व्यवसायातील प्रगती चांगली राहील, नवीन कामे मिळतील. पत टिकून राहील. पैशाची आवक सुधारेल. नोकरीत परदेशगमन व पत्रव्यवहाराच्या कामांना गती येईल. कामानिमित्ताने नवीन हितसंबंध जोडले जातील. आरोग्य चांगले राहील. विद्यार्थ्यांना उत्तम ग्रहमान.
हेही वाचा :
‘2-3 लोकांना कानाखाली…’महाराष्ट्रातील मराठी-हिंदी वादात रेणुका शहाणेंची उडी!
भाजपला नवा राष्ट्रीय अध्यक्ष मिळणार! १५ ऑगस्टनंतर होऊ शकते घोषणा
बॅगा, टिफिन-पाण्याच्या बाटल्या अन् रक्ताने माखलेली मुलं, जवळच पडलेली एका मुलीचा मृतदेह
