देशांतर्गत सराफा बाजारात 21 जुलै 2026 रोजी सोने आणि चांदीच्या किमतींमध्ये पुन्हा वाढ नोंदवली गेली आहे. (Gold and silver) आठवड्याच्या सुरुवातीलाच मौल्यवान धातूंचे भाव मजबूत झाल्याने ग्राहकांना दिलासा मिळालेला नाही. आगामी सणासुदीच्या पार्श्वभूमीवर वाढलेल्या किमतींमुळे दागिने खरेदीचा विचार करणाऱ्यांचे बजेटही वाढण्याची शक्यता आहे.
आंतरराष्ट्रीय बाजाराचा दरांवर परिणाम आंतरराष्ट्रीय बाजारातील चढ-उतार, डॉलरच्या मूल्यातील हालचाल आणि गुंतवणूकदारांकडून वाढलेली खरेदी यामुळे भारतीय बाजारातही सोन्या-चांदीच्या किमती वाढल्या आहेत. कॉमेक्स बाजारात सोन्याचा दर सुमारे 0.70 टक्क्यांनी वाढून प्रति औंस 4,044.10 डॉलरवर पोहोचला आहे. (Gold and silver) त्याचप्रमाणे चांदीच्या किमतीत 1.51 टक्क्यांची वाढ झाली असून प्रति औंस 57.935 डॉलर दराने व्यवहार सुरू आहेत.मल्टी कमोडिटी एक्सचेंज वरही सोन्याने तेजी कायम ठेवली आहे. सकाळी 9 वाजेच्या सुमारास एमसीएक्सवरील सोन्याचा दर 0.70 टक्क्यांनी वाढून प्रति 10 ग्रॅम सुमारे 1,42,250 रुपयांवर व्यवहार करत होता. चांदीच्या किमतीतही मोठी उसळी दिसून आली असून मागील दिवसाच्या तुलनेत सुमारे 1.11 टक्के वाढीसह प्रति किलो दर 2,20,830 रुपयांच्या आसपास पोहोचला आहे. अलीकडील घसरणीनंतर दोन्ही धातूंनी पुन्हा वाढीचा कल दाखवला आहे.
प्रमुख शहरांतील ताजे दर आज देशातील प्रमुख शहरांमध्ये 24 कॅरेट सोन्याचा दर प्रति 10 ग्रॅम सुमारे 1.42 ते 1.43 लाख रुपयांच्या दरम्यान आहे. 22 कॅरेट सोन्याचा भाव सुमारे 1.31 लाख रुपये, तर 18 कॅरेट सोन्याची किंमत जवळपास 1.07 लाख रुपये प्रति 10 ग्रॅम इतकी आहे. चांदीचा दर प्रति किलो सुमारे 2.21 लाख रुपयांपर्यंत पोहोचला असून बाजारात त्याचाही व्यवहार उच्च पातळीवर सुरू आहे.तज्ज्ञांच्या मते, कच्च्या तेलाच्या किमतीतील चढ-उतार आणि जागतिक आर्थिक घडामोडींचा परिणाम मौल्यवान धातूंच्या बाजारावर होत आहे. (Gold and silver) गेल्या काही दिवसांतील घसरणीनंतर आता पुन्हा तेजीचे वातावरण निर्माण झाले आहे. लग्नसमारंभ, सणासुदी किंवा दीर्घकालीन गुंतवणुकीसाठी सोने-चांदी खरेदी करण्याचा विचार करणाऱ्यांनी बाजारातील घडामोडींवर लक्ष ठेवावे. तसेच खरेदीपूर्वी दागिन्यांवरील बीआयएस (BIS) हॉलमार्कची खात्री करूनच व्यवहार करण्याचा सल्ला दिला जात आहे.
हेही वाचा :
केंद्रीय मंत्रिमंडळात मोठा फेरबदल होणार शिंदेंच्या वाट्याला किती मंत्रिपदे येणार?
सुप्रिया सुळेंच्या आरोग्याबाबत मोठी अपडेट डॉक्टरांनी दिला ‘व्हॉइस रेस्ट’चा सल्ला?
