कर्मचारी भविष्य निर्वाह निधी संघटनेने PF खात्यातून अंशतः पैसे काढण्याची प्रक्रिया अधिक सुलभ करणारे बदल केले आहेत. नवीन नियमांनुसार उपचार, शिक्षण, लग्न, घर खरेदी किंवा दुरुस्ती यांसारख्या गरजांसाठी सदस्यांना PF मधील 75 टक्क्यांपर्यंत रक्कम काढता येणार आहे. मात्र, खात्यात किमान 25 टक्के रक्कम शिल्लक ठेवावी लागेल.
EPFO ने PF मधून पैसे काढण्यासाठी असलेल्या जुन्या 13 वेगवेगळ्या श्रेणींचे एकत्रीकरण करून आता तीन मोठ्या श्रेणी तयार केल्या आहेत. यामुळे सदस्यांना कोणत्या कारणासाठी किती रक्कम काढता येईल, (accounts) याची प्रक्रिया तुलनेने सोपी होणार आहे. नवीन व्यवस्थेत किमान 12 महिने नोकरी किंवा PF मध्ये योगदान असणे आवश्यक करण्यात आले आहे. या बदलांचा समावेश 29 जून 2026 रोजी अधिसूचित करण्यात आलेल्या EPF Scheme, 2026 मध्ये करण्यात आला आहे. ही सुधारित व्यवस्था 1952 च्या जुन्या नियमांच्या चौकटीत करण्यात आली आहे.
नव्या तरतुदीनुसार PF खात्यातील एकूण शिल्लक रकमेपैकी 75 टक्क्यांपर्यंत रक्कम काढता येईल. या गणनेमध्ये कर्मचाऱ्याचे योगदान, नियोक्त्याचे योगदान आणि त्यावर जमा झालेले व्याज यांचा समावेश असेल. मात्र, उर्वरित 25 टक्के रक्कम खात्यात ठेवणे बंधनकारक राहणार आहे. उदाहरणार्थ, एखाद्या सदस्याच्या PF खात्यात एक लाख रुपये जमा असतील, तर 25 हजार रुपये खात्यात शिल्लक ठेवावे लागतील आणि 75 हजार रुपयांपर्यंतची रक्कम काढता येईल. (accounts) त्यामुळे आर्थिक अडचणीच्या काळात सदस्यांना तुलनेने मोठी रक्कम उपलब्ध होऊ शकते.
पहिल्या श्रेणीमध्ये अत्यावश्यक गरजांसाठी PF मधून पैसे काढण्याची सुविधा देण्यात आली आहे. आजारपणातील उपचार, शिक्षण आणि लग्न यांसारख्या खर्चासाठी सदस्यांना अंशतः PF रक्कम काढता येणार आहे. शिक्षणासाठी संपूर्ण PF सदस्यत्वाच्या कालावधीत जास्तीत जास्त 10 वेळा पैसे काढण्याची परवानगी असेल. लग्नासाठी ही सुविधा पाच वेळांपर्यंत उपलब्ध असेल. आरोग्य उपचारांसाठी एका आर्थिक वर्षात जास्तीत जास्त तीन वेळा PF मधून रक्कम काढता येईल. दुसऱ्या श्रेणीत घर आणि मालमत्तेशी संबंधित खर्चांचा समावेश करण्यात आला आहे. घर किंवा जमीन खरेदी, नवीन घराचे बांधकाम, गृहकर्जाची परतफेड तसेच घराची दुरुस्ती अशा कारणांसाठी PF मधून पैसे घेता येतील. यासाठी PF खात्यात किमान 12 महिने योगदान जमा झालेले असणे आवश्यक आहे.
या श्रेणीत सदस्यांना किमान पाच वेळा पैसे काढण्याची सुविधा मिळू शकते. तिसऱ्या श्रेणीत विशेष परिस्थितीचा समावेश आहे. (accounts) अचानक उद्भवलेल्या महत्त्वाच्या खर्चासाठी या श्रेणीअंतर्गत PF रक्कम काढता येईल. नोकरी गेल्यास किंवा कर्मचारी नोकरी सोडल्यास PF मधील 75 टक्के रक्कम तातडीने काढता येईल. मात्र, सलग एक वर्ष रोजगार मिळाला नाही, तर खात्यात शिल्लक असलेली उर्वरित 25 टक्के रक्कमही काढण्याची सुविधा उपलब्ध होईल.
हेही वाचा :
एकनाथ शिंदे काँग्रेसमध्ये प्रवेश करणार होते, पण बड्या नेत्याच्या गौप्यस्फोटाने राजकारणात खळबळ?
सूर्य स्वराशीत करणार प्रवेश, मेष-मकरसह या ५ राशींचे भाग्य उजळणार?
