नवरात्रीच्या पार्श्वभूमीवर मुख्यमंत्री माझी लाडकी बहीण योजनेच्या लाभार्थी महिलांसाठी महत्त्वाची बातमी समोर आली आहे. ऑगस्ट महिन्याच्या हप्त्याची प्रतीक्षा करणाऱ्या पात्र महिलांच्या बँक खात्यात 1500 रुपयांची रक्कम जमा होण्यास सुरुवात झाली आहे. (account) त्यामुळे अनेक लाभार्थी महिलांना दिलासा मिळाला आहे. ऑगस्टच्या हप्त्यासाठी सामाजिक न्याय विभागाकडून 339 कोटी 14 लाख रुपयांचा निधी मंजूर करण्यात आला होता. हा निधी अनुसूचित जाती आणि नवबौद्ध प्रवर्गातील पात्र लाभार्थी महिलांना योजनेचा लाभ देण्यासाठी वापरण्यात येणार आहे.
मुख्यमंत्री माझी लाडकी बहीण योजनेअंतर्गत पात्र महिलांना दर महिन्याला 1500 रुपयांचा आर्थिक लाभ दिला जातो. महाराष्ट्र शासनाच्या माहितीनुसार हा लाभ थेट लाभ हस्तांतरणाच्या माध्यमातून पात्र महिलांच्या बँक खात्यात जमा केला जातो.
जुलै महिन्याचा हप्ता मिळाल्यानंतर ऑगस्ट महिन्याच्या हप्त्याची महिला लाभार्थींकडून प्रतीक्षा केली जात होती. (account) अखेर ऑगस्टच्या हप्त्यासाठी निधी वितरणाचा निर्णय झाल्यानंतर रक्कम खात्यात जमा होण्याची प्रक्रिया सुरू झाली आहे. मंत्री संजय शिरसाट यांनीही ऑगस्टच्या हप्त्यासाठी सामाजिक न्याय विभागाकडून निधीची व्यवस्था करण्यात आल्याची माहिती दिली होती.
दरम्यान, ऑगस्टच्या हप्त्याबाबत 1500 की 3000 रुपये मिळणार, याबाबतही चर्चा सुरू होती. मात्र शासनाच्या निर्णयात प्रत्येक लाभार्थी महिलेच्या खात्यात 3000 रुपये जमा होतील, अशी अधिकृत पुष्टी नसून योजनेचा नियमित मासिक लाभ 1500 रुपये आहे.
आता लाभार्थी महिलांनी आपल्या बँक खात्यात ऑगस्ट महिन्याची रक्कम जमा झाली आहे का, हे तपासावे. बँकेचा एसएमएस, मोबाईल बँकिंग किंवा बँक खात्याचे स्टेटमेंट तपासून महिलांना हप्ता जमा झाल्याची खात्री करता येणार आहे. (account) दरम्यान, योजनेशी संबंधित कोणत्याही अनधिकृत लिंकवर वैयक्तिक किंवा बँकिंग माहिती देऊ नये, असे आवाहनही करण्यात आले आहे.
हेही वाचा :
बापरे सोन्याच्या भावात उसळी, आज 10 ग्रॅम सोन्याचा भाव किती
