गेल्या चार वर्षांपासून सर्वोच्च न्यायालयात सुरू असलेल्या शिवसेना पक्ष आणि चिन्हावरील सुनावणी अंतिम टप्प्यात आहे. 30 ऑक्टोबरपर्यंत सुनावणी पूर्ण होण्याची शक्यता असून, त्यानंतर काही दिवसांत निकाल अपेक्षितआहे. हा निकाल एकनाथ शिंदे आणि उद्धव ठाकरे यांच्या राजकीय भवितव्यासाठी तसेच देशासाठी ऐतिहासिक ठरणार आहे.
गेल्या चार वर्षापासून सर्वोच्च न्यायालयात शिवसेना पक्ष आणि चिन्हावरील सुनावणी सुरू आहे. ही सुनावणी आता अंतिम टप्प्यात आहे. येत्या 30 ऑक्टोबरपर्यंत ही सुनावणी संपण्याची शक्यता आहे. त्यामुळे त्यानंतर काही दिवसातच या खटल्याचा निकाल येणार असल्याचं सांगितलं जात आहे. हा अत्यंत महत्त्वाचा खटला आहे. या खटल्याचा निकाल देशासाठी ऐतिहासिक ठरणार आहे. (Shiv Sena) त्यामुळे एकनाथ शिंदे आणि उद्धव ठाकरे यांचं पुढील राजकीय भविष्य काय असेल? पक्ष कुणाकडे असेल? हे स्पष्ट होणार आहे. तसेच हा खटला सर्वच राजकीय पक्षांसाठी एक मार्गदर्शक खटलाही ठरणार आहे. त्यामुळेच देशाचं लक्ष या खटल्याच्या निकालाकडे लागलं आहे.
सर्वोच्च न्यायालायने एक खटल्या दरम्यान शिवसेना पक्ष आणि चिन्ह प्रकरणी सुनावणी 30 ऑक्टोबरपर्यंत संपण्याची शक्यता वर्तवली आहे. सर्वोच्च न्यायालयाने ही तोंडी टिप्पणी केली आहे. कोर्टात पश्चिम बंगाल एसआयआरची सुनावणी त्वरीत घ्यावी, अशी विनंती वकीलांतर्फं करण्यात आली होती, (Shiv Sena) त्या वेळी सुप्रीम कोर्टाने सांगितले की, 30 ऑक्टोबरपर्यंत शिवसेनेची सुनावणी संपवायची आहे. त्यानंतर बंगाल एसआयआर प्रकरण घेतले जाईल. त्यामुळे 30 ऑक्टोबरनंतरच शिवसेनेचा फैसला होणार असल्याचं स्पष्ट होत आहे.
दरम्यान, सध्या शिंदे गटाचा सर्वोच्च न्यायालयात युक्तिवाद सुरू आहे. सर्वोच्च न्यायालयाचे सरन्यायाधीश सूर्यकांत यांच्या खंडपीठासमोर ही सुनावणी सुरू आहे. शिंदे गटाकडून प्रसिद्ध वकील नीरज कौल हे बाजू मांडत आहेत. काल नीरज कौल यांनी पक्षचिन्हाबाबतचा युक्तिवाद संपवला. आता 13 ऑक्टोबर रोजी ते अपात्रते संबंधीचा युक्तिवाद करणार आहेत. (Shiv Sena) त्यामुळे कौल या सुनावणीवेळी काय युक्तिवाद करतात याकडे सर्वांचं लक्ष लागलं आहे. मात्र, कौल यांना न्यायामूर्ती बागची यांनी या सुनावणी दरम्यान वारंवार एकच प्रश्न विचारला आहे. तो म्हणजे, निवडणूक आयोगाकडे शिंदे गटाला चिन्ह देण्याऐवजी दुसरा पर्याय नव्हता का? निवडणूक आयोग दुसऱ्या पर्यायांचा विचार करू शकत नव्हता का? कोर्टाच्याया सवालाने शिंदे गटाची मोठी अडचण होण्याची शक्यता आहे.कौल यांचा युक्तिवाद संपल्यानंतर निवडणूक आयोग आणि विधानसभा अध्यक्षांच्या बाजूनेही युक्तिवाद होण्याची शक्यता आहे. 30 ऑक्टोबर पूर्वीच हे युक्तिवाद होणार असल्याने त्यानंतर कोर्ट यावर ऐतिहासिक निकाल देणार आहे. त्यामुळे कोर्ट काय निकाल देते याकडे संपूर्ण देशाचं लक्ष लागलं आहे.
हेही वाचा :
तेरवाड येथे भरधाव डंपरची तीन दुचाकींना धडक तिघांचा मृत्यू , चौघे गंभीर
