गोकुळ दूध संघाच्या निवडणुकीनंतर चंद्रकांत पाटील यांनी मुख्यमंत्र्यांना लिहिलेलं पत्र चर्चेत आलं आहे. 3 हजार कोटी रुपयांहून अधिक उलाढाल असलेल्या सहकारी संस्थांवर 2 ऐवजी 4 शासकीय सदस्य नेमण्याची मागणी या पत्रात करण्यात आली आहे.
कोल्हापुरातील गोकुळ दूध संघाच्या सत्तासंघर्षात आता एका नव्या पत्रामुळे खळबळ उडाली आहे. उच्च व तंत्रशिक्षण मंत्री चंद्रकांत पाटील यांनी मुख्यमंत्री देवेंद्र फडणवीस यांना लिहिलेल्या कथित पत्रामुळे सहकार क्षेत्रात नव्या चर्चांना सुरुवात झाली आहे. 3 हजार कोटी रुपयांहून अधिक उलाढाल असलेल्या सहकारी संस्थांवर दोनऐवजी चार (Chandrakant Patil) शासकीय सदस्यांची नियुक्ती करण्याची मागणी या पत्रातून करण्यात आल्याचा दावा आहे. विशेष म्हणजे, गोकुळच्या निवडणुकीच्या मतदानाच्या अवघ्या दोन दिवस आधी हे पत्र लिहिण्यात आल्याने त्याच्या वेळेबाबतही प्रश्न उपस्थित केले जात आहेत.
गोकुळ दूध संघाच्या निवडणुकीसाठी 18 ऑक्टोबर 2026 रोजी मतदान पार पडलं. त्याआधी 16 ऑक्टोबर रोजी चंद्रकांत पाटील यांनी मुख्यमंत्र्यांना हे पत्र लिहिल्याचं समोर आलं आहे. सहकारी संस्थांच्या अधिनियमांमध्ये सुधारणा करून 3 हजार कोटी रुपयांपेक्षा अधिक आर्थिक उलाढाल असलेल्या संस्थांवर सध्याच्या दोन शासकीय सदस्यांऐवजी चार सदस्य नियुक्त करण्याची मागणी या पत्रात करण्यात आल्याचं सांगितलं जात आहे. (Chandrakant Patil) तसेच, या कायद्यात आवश्यक बदल करण्यासाठी मंत्रिमंडळाच्या बैठकीत प्रस्ताव आणावा, अशी विनंतीही पत्रातून करण्यात आल्याचा दावा आहे. निवडणुकीच्या तोंडावरच ही मागणी मुख्यमंत्र्यांकडे करण्यात आल्याने या पत्रामागचा नेमका उद्देश काय, असा प्रश्न उपस्थित होत आहे. या प्रकरणावर चंद्रकांत पाटील, भाजप किंवा मुख्यमंत्री देवेंद्र फडणवीस यांच्याकडून अद्याप काय भूमिका मांडली जाते, याकडे लक्ष लागलं आहे.
गोकुळच्या अध्यक्षपदाचा वादही कायम दुसरीकडे, गोकुळ दूध संघाच्या अध्यक्षपदाचा तिढा अद्याप सुटलेला नाही. सतेज पाटील यांच्या नेतृत्वाखालील राजर्षी शाहू शेतकरी समविचारी आघाडीने निवडणुकीत विजय मिळवल्यानंतर अध्यक्षपदाची निवड केली आहे. मात्र, ही निवड प्रक्रिया योग्य नसल्याचा आक्षेप छत्रपती शाहू शेतकरी विकास (महायुती) आघाडीने घेतला आहे. अनुपस्थित संचालकांच्या विरोधात निर्णय घेण्यात आल्याचा दावा करत या आघाडीने न्यायालयात धाव घेतली आहे. या सत्तासंघर्षावर बोलताना सतेज पाटील यांनी आपल्याकडे बहुमत असल्याचं म्हटलं आहे. (Chandrakant Patil) तसेच, स्वीकृत संचालक आणून कारभार चालवायचा असेल, तर मग मतदान घेण्याची गरजच काय होती, असा सवालही त्यांनी उपस्थित केला आहे. एकीकडे अध्यक्षपदावरून दोन्ही गटांमध्ये संघर्ष सुरू असतानाच चंद्रकांत पाटील यांच्या कथित पत्रामुळे वादाला नवं वळण मिळालं आहे. त्यामुळे या पत्रावर संबंधित नेते काय स्पष्टीकरण देतात आणि गोकुळच्या सत्तासंघर्षात पुढे काय घडतं, याकडे लक्ष लागलं आहे.
हेही वाचा :
नोव्हेंबरमध्ये बँका एकूण 17 दिवस बंद असणार, महाराष्ट्रात किती दिवस
लेक लाडकी योजनेच्या नियमात मोठा बदल, आदिती तटकरे यांची मोठी घोषणा, आता थेट
ऊस दरावर तोडगा काढण्यासाठी लवकरच संयुक्त बैठक घेणार : पालकमंत्री
