क्रिकेटविश्वात ‘देव’ मानल्या जाणाऱ्या सचिन तेंडुलकर (cricket) यांच्या कुटुंबात लवकरच शहनाई वाजणार आहे. सचिन आणि अंजली तेंडुलकर यांचा मुलगा अर्जुन तेंडुलकर लवकरच विवाहबंधनात अडकणार असून ५ मार्च २०२६ रोजी त्याचा विवाहसोहळा पार पडणार असल्याची माहिती समोर आली आहे. काही दिवसांपूर्वी अर्जुनने सानिया चांढोकशी साखरपुडा केला होता. त्यानंतर या शाही लग्नाची उत्सुकता चाहत्यांमध्ये वाढली होती. आता लग्नाची तारीख जाहीर झाल्याने या सोहळ्याकडे संपूर्ण देशाचे लक्ष लागले आहे.
सचिन तेंडुलकर यांनी स्वतः देशातील (cricket) अनेक मान्यवरांना मुलाच्या लग्नासाठी आमंत्रित केल्याची माहिती आहे. पाहुण्यांच्या यादीत पंतप्रधान नरेंद्र मोदी, राष्ट्रपती द्रौपदी मुर्मू, गृहमंत्री अमित शहा तसेच काँग्रेस नेते राहुल गांधी यांच्यासह विविध क्षेत्रांतील दिग्गजांचा समावेश असल्याचे सांगितले जात आहे. आमंत्रितांची यादी पाहता हा विवाहसोहळा राष्ट्रीय स्तरावर चर्चेचा विषय ठरणार हे स्पष्ट झाले आहे. मात्र, लग्न नेमके कुठे होणार याबाबत अद्याप अधिकृत माहिती समोर आलेली नाही.
अर्जुनची होणारी पत्नी सानिया चांढोक ही उद्योगक्षेत्रातील (cricket) प्रतिष्ठित कुटुंबातून येते. ती ग्रॅविस ग्रुपचे चेअरमन रवी घाई यांची नात आहे. ग्रॅविस ग्रुपमध्ये बास्किन रॉबिन्स, ब्रुकलिन क्रीमरी आणि इंटरकॉन्टिनेंटल हॉटेल्ससारख्या नामांकित ब्रँड्सचा समावेश आहे. त्यांच्या कुटुंबाचा ‘क्वालिटी आइसक्रीम’ हा ब्रँड अनेक पिढ्यांच्या आठवणींशी जोडलेला आहे. सानिया सनी चांढोक आणि गौरिका घाई चांढोक यांची मुलगी असून ती स्वतःही उद्योजिका आहे. मिनिस्ट्री ऑफ कॉर्पोरेट अफेअर्सच्या नोंदीनुसार, ती मुंबईस्थित ‘मिस्टर पॉज पेट स्पा अँड स्टोअर LLP’ या कंपनीची डिझाइनेटेड पार्टनर आणि डायरेक्टर आहे. ही कंपनी पाळीव प्राण्यांच्या पोषण आणि आरोग्यावर काम करते. सानिया आणि तेंडुलकर कुटुंबामधील मैत्री जुनी असून विशेषतः अर्जुनची बहीण सारा हिच्याशी असलेल्या जवळीकीतून ही ओळख अधिक दृढ झाली आणि पुढे या मैत्रीचे प्रेमात रूपांतर झाले.
दरम्यान, २६ वर्षीय अर्जुन तेंडुलकर क्रिकेटच्या (cricket) मैदानावर स्वतःची वेगळी ओळख निर्माण करण्यासाठी झटत आहे. डावखुरा पेस-बॉलिंग ऑलराऊंडर म्हणून तो वडिलांच्या मोठ्या वारशातून बाहेर पडत स्वतःचा मार्ग तयार करत आहे. २०२०-२१ हंगामात त्याने मुंबईकडून वरिष्ठ क्रिकेटमध्ये पदार्पण केले आणि हरियाणाविरुद्ध टी-२० सामन्यात प्रथम खेळला. त्यानंतर २०२२-२३ हंगामात तो गोव्याकडे वळला, जिथे त्याने फर्स्ट-क्लास आणि लिस्ट ए क्रिकेटमध्ये पदार्पण केले. यापूर्वी तो मुंबईच्या ज्युनियर संघातून आणि भारताच्या अंडर-१९ संघातूनही खेळला आहे.
सचिन तेंडुलकर यांच्या घरातील हा विवाहसोहळा क्रिकेट, राजकारण आणि उद्योगक्षेत्रातील दिग्गजांच्या उपस्थितीत अत्यंत भव्यदिव्य होणार असल्याची चर्चा रंगली आहे. चाहत्यांनाही या लग्नसोहळ्याच्या अधिकृत घोषणांची आणि छायाचित्रांची उत्सुकता लागली आहे.
हेही वाचा :
मुलांसाठी विज्ञान-समर्थित आरोग्यपूरक: ‘वासु सुवर्णप्राशन ड्रॉप्स’चे फायदे आता क्लिनिकली मान्य
कुंडलीतील बुध ग्रह कमकुवत झाल्यास आयुष्यावर कसा होतो परिणाम ?
मोठी बातमी! एकनाथ खडसेंच्या अडचणी वाढल्या, सावदा पोलीस ठाण्यात गुन्हा दाखल, नेमकं काय आहे प्रकरण?