अभिनेता Ranveer Singh याला काही दिवसांपूर्वी व्हॉट्सअॅपवर वॉइस नोटद्वारे (voice note) धमकी देण्यात आल्याची माहिती समोर आली असून या प्रकरणामुळे चित्रपटसृष्टीत खळबळ उडाली आहे. संबंधित वॉइस नोटमध्ये कोट्यवधी रुपयांची खंडणी मागण्यात आल्याचा दावा करण्यात आला आहे. धमकी मिळाल्यानंतर रणवीर सिंहने तात्काळ मुंबई पोलिसांशी संपर्क साधत तक्रार नोंदवली. घटनेचे गांभीर्य लक्षात घेऊन पोलिसांनी त्याच्या घराबाहेर सुरक्षा वाढवली आहे.
दरम्यान, कुख्यात Lawrence Bishnoi गँगशी संबंधित असल्याचे सांगितल्या (voice note) जाणाऱ्या हॅरी बॉक्सर नावाच्या व्यक्तीचा एक कथित ऑडिओ समोर आला आहे. या ऑडिओमध्ये रणवीर सिंहसह दिग्दर्शक Rohit Shetty आणि संपूर्ण बॉलिवूडला उघड धमकी देण्यात आल्याचा दावा केला जात आहे. संबंधित ऑडिओ क्लिपमध्ये कलाकारांनी ‘सुधारले नाही’ तर त्यांच्या कुटुंबीयांना आणि स्टाफला इजा पोहोचवली जाईल, असा इशारा देण्यात आल्याचे सांगितले जाते. संबंधित व्यक्तीकडे सर्वांची वैयक्तिक माहिती असून कधीही हल्ला करू शकतो, असा दावाही या क्लिपमध्ये करण्यात आला असल्याचे सूत्रांचे म्हणणे आहे.
मात्र या धमकीमागचे नेमके कारण अद्याप स्पष्ट (voice note) झालेले नाही. कोणत्या कारणावरून किंवा कोणत्या वक्तव्याच्या पार्श्वभूमीवर ही धमकी देण्यात आली, याबाबत अधिकृत माहिती समोर आलेली नाही. पोलिसांकडून संबंधित ऑडिओ क्लिपची सत्यता तपासली जात असून ती खरी आहे की बनावट, याचा शोध घेतला जात आहे. तसेच या प्रकरणामागे नेमका कोणाचा हात आहे, याबाबतही सखोल चौकशी सुरू आहे.
या पार्श्वभूमीवर मुंबई पोलिसांनी रोहित शेट्टीशी संपर्क साधल्याची माहिती समोर येत आहे. प्राथमिक चौकशीत त्यांनी यापूर्वी अशी कोणतीही धमकी मिळालेली नसल्याचे सांगितल्याचे कळते. सध्या पोलिस विविध तांत्रिक बाबींची तपासणी करत असून व्हॉट्सअॅप वॉइस नोटचा स्त्रोत शोधण्याचा प्रयत्न सुरू आहे.
गेल्या काही वर्षांत मनोरंजन क्षेत्राशी (voice note) संबंधित कलाकारांना धमक्या मिळण्याच्या घटना अधूनमधून समोर येत असल्याने या नव्या घटनेमुळे बॉलिवूडमध्ये चिंतेचे वातावरण निर्माण झाले आहे. कलाकार आणि निर्मात्यांच्या सुरक्षेच्या दृष्टीने आवश्यक ती सर्व पावले उचलली जातील, असे पोलिसांकडून सांगण्यात आले आहे. अधिकृत निवेदनानंतरच या प्रकरणाबाबत पुढील तपशील स्पष्ट होणार आहेत.
हेही वाचा :
घरात हत्तीची मूर्ती कोणत्या दिशेने ठेवावी, नियम आणि फायद्यांबद्दल माहिती आहेत?
या डेंजर तुरुंगात रात्र घालवण्यासाठी लोक म्हणतात होऊ दे खर्च ! एका रात्रीचे इतके पैसे मोजायला तयार