राज्यात मान्सूनचा प्रवास गतिमान झाला असून बहुतांश भागांत पावसाने दमदार हजेरी लावली आहे. भारतीय हवामानशास्त्र विभागाने आज, २६ जून २०२६ रोजी राज्यातील २३ जिल्ह्यांना पावसाचा ‘यलो अलर्ट’ जारी केला आहे. अरबी समुद्रावरून येणारे पश्चिमेकडील वारे सुमारे १.५ किलोमीटर उंचीपर्यंत अधिक मजबूत झाले असून, उत्तर सोमालिया किनारपट्टीलगत कमी दाबाचा जेट प्रवाह सक्रिय झाला आहे. या अनुकूल हवामान प्रणालीमुळे पुढील ३ दिवस राज्यात मान्सूनचा जोर आणखी वाढणार असून, (weather) रखडलेल्या शेतीच्या कामांना आणि पेरण्यांना वेग मिळण्याची शक्यता आहे.
१. कोकण आणि मुंबई परिसर
कोकण किनारपट्टीवर मान्सूनचा जोर कायम आहे. पालघर, ठाणे आणि मुंबई या जिल्ह्यांमध्ये विजांच्या कडकडाटासह मुसळधार पावसाची शक्यता आहे. (weather) तसेच रायगड आणि रत्नागिरी या दोन जिल्ह्यांमध्ये वादळी वाऱ्यांसह हलक्या ते मध्यम स्वरूपाच्या पावसाचा ‘यलो अलर्ट’ देण्यात आला आहे.
२. पश्चिम महाराष्ट्र आणि घाटमाथा
पश्चिम महाराष्ट्रात पावसासाठी अत्यंत पोषक वातावरण तयार झाले आहे. पुणे, सातारा आणि कोल्हापूर या जिल्ह्यांच्या घाटमाथा परिसरात पुढील २४ तासांत मुसळधार पावसाचा अंदाज असून, या संपूर्ण पट्ट्याला यलो अलर्ट जारी करण्यात आला आहे.
३. विदर्भ आणि मराठवाडा
विदर्भ: विदर्भातील अकोला, अमरावती, बुलढाणा, चंद्रपूर आणि वर्धा या जिल्ह्यांमध्ये विजांच्या कडकडाटासह आणि वेगवान वादळी वाऱ्यांसह हलका ते मध्यम पाऊस पडेल.
मराठवाडा: मराठवाड्यात पावसाचा जोर अधिक राहण्याची शक्यता आहे. गेल्या २४ तासांत बीडसह अंबाजोगाई, केज आणि माजलगाव तालुक्यांत झालेल्या जोरदार पावसामुळे खरीप पेरण्यांना मोठी मदत झाली आहे. अर्धा जून महिना कोरडा गेल्याने चिंतेत असलेल्या बळीराजाला या पावसामुळे मोठा दिलासा मिळाला आहे. (weather) मात्र, बीडमधीलच परळी तालुक्यात अद्यापही पुरेसा पाऊस झाला नसल्याने तिथे पेरण्यांसाठी अजूनही चांगल्या पावसाची प्रतीक्षा आहे. मान्सूनचा पुढील प्रवास हवामान विभागाच्या माहितीनुसार, पुढील २ ते ३ दिवसांत मान्सून उत्तर अरबी समुद्राच्या काही भागांत, संपूर्ण गुजरात, महाराष्ट्राचा उर्वरित भाग, तसेच मध्य प्रदेश आणि छत्तीसगडच्या अनेक भागांत पुढे सरकण्यासाठी परिस्थिती पूर्णपणे अनुकूल आहे.
हेही वाचा :
राजकीय खळबळ विलास घुले खून प्रकरणात खासदार पुत्राला अटक होणार?
घटसर्प आणि धनुर्वातीची लस घेतली १६ वर्षाच्या मुलीचा बेशुद्ध पडून मृत्यू?
