एलपीजी गॅस सिलेंडर वापरणाऱ्या लाखो ग्राहकांसाठी महत्त्वाची अपडेट समोर आली आहे. आज (९ जुलै) देशभरातील घरगुती आणि व्यावसायिक गॅस सिलेंडरचे दर कायम ठेवण्यात आले असून, तेल कंपन्यांनी कोणताही नवीन बदल जाहीर केलेला नाही. (gas cylinders) त्यामुळे आज सिलेंडर बुक करणाऱ्या ग्राहकांना मागील दरानुसारच पैसे मोजावे लागणार आहेत.
१ जुलैनंतर दरात कोणताही बदल नाही याआधी १ जुलै रोजी तेल विपणन कंपन्यांनी १९ किलोच्या व्यावसायिक एलपीजी सिलेंडरच्या दरात ₹१८३.५० ची कपात केली होती. मात्र, १४.२ किलोच्या घरगुती सिलेंडरच्या किमतीत कोणताही बदल करण्यात आलेला नव्हता. त्यानंतर आजपर्यंत घरगुती सिलेंडरचे दर स्थिर आहेत. प्रमुख शहरांतील घरगुती सिलेंडरचे दर सध्या दिल्लीमध्ये घरगुती एलपीजी सिलेंडरची किंमत ₹९४२ असून, मुंबईमध्ये ₹९४१.५०, कोलकात्यात ₹९६८, चेन्नईमध्ये ₹९५७.५०, चंदीगडमध्ये ₹९५१.५०, डेहराडूनमध्ये ₹९६१, हैदराबादमध्ये ₹९३४, तर गाझियाबाद आणि नोएडामध्ये ₹९६८ दर कायम आहेत.
व्यावसायिक LPG सिलेंडरचे आजचे दर १९ किलोच्या व्यावसायिक सिलेंडरच्या किमतीतही सध्या कोणताही बदल झालेला नाही. दिल्लीमध्ये त्याची किंमत ₹२,९३० आहे. तर मुंबईमध्ये ₹२,९४१.५०, कोलकात्यात ₹३,०८२, चेन्नईमध्ये ₹३,१०६, चंदीगडमध्ये ₹२,९५४.५०, डेहराडूनमध्ये ₹२,९८३.५०, हैदराबादमध्ये ₹३,०५२.५० आणि गाझियाबाद-नोएडामध्ये ₹३,११५ इतका दर आहे.
आंतरराष्ट्रीय घडामोडींचा LPG दरांवर परिणाम होणार दरम्यान, मध्य-पूर्वेतील वाढत्या तणावामुळे कच्च्या तेलाच्या किमतीत चढ-उतार सुरू झाले आहेत. होर्मुझच्या सामुद्रधुनीतील परिस्थितीमुळे जागतिक ऊर्जा बाजारावर दबाव निर्माण झाला असून, (gas cylinders) त्याचा परिणाम एलपीजीच्या आयातीवरही होऊ शकतो. भारत मोठ्या प्रमाणात कच्चे तेल, एलएनजी आणि एलपीजी आयातीवर अवलंबून असल्याने जागतिक बाजारातील बदलांचा परिणाम भविष्यात देशांतर्गत गॅसच्या किमतींवर होण्याची शक्यता व्यक्त केली जात आहे.
ग्राहकांचे लक्ष तेल कंपन्यांच्या निर्णयाकडे सध्या तरी घरगुती आणि व्यावसायिक एलपीजी सिलेंडरच्या दरात कोणतीही वाढ झालेली नाही. (gas cylinders) त्यामुळे आज सिलेंडर बुक करणाऱ्या ग्राहकांना विद्यमान दरानुसारच रिफिल मिळणार आहे. मात्र, आंतरराष्ट्रीय बाजारातील परिस्थिती लक्षात घेता पुढील काही दिवसांत तेल कंपन्या दरांचा फेरआढावा घेणार का, याकडे ग्राहकांचे लक्ष लागले आहे.
हेही वाचा :
कमी वयात केस पांढरे होतायेत? 5 कारणे ठरू शकतात जबाबदार?
क्रिकेट विश्वात खळबळ इंग्लंड पराभवानंतर गंभीरसमोर ‘संजू’च्या घोषणा?
पंतप्रधान मोदींना इंडोनेशियाचा सर्वोच्च नागरी सन्मान प्रदान?
