इचलकरंजी शहरात सध्या स्वच्छतेबाबत महापालिकेचे अनेक उपक्रम सुरू असून, नागरिकांनी सार्वजनिक ठिकाणी कचरा टाकल्यास ५०० रुपयांचा दंड आकारण्याची कारवाई जोरात सुरू आहे. मात्र, याच दरम्यान एक मुद्दा सोशल मीडियावर(social media) जोरदार चर्चेत आला आहे – “घंटागाडी जर वेळेवर आली नाही, तर त्या जबाबदार ठेकेदारावर किती दंड होतो, हे सुद्धा आयुक्तांनी जाहीर करावे!”
ही मागणी असलेली पोस्ट सध्या फेसबुक, व्हॉट्सअ‍ॅप आणि इंस्टाग्रामसारख्या माध्यमांवर मोठ्या प्रमाणावर व्हायरल (social media)होत आहे. पोस्टमध्ये एक नागरिक प्रतिकात्मक स्वरूपात अंगठा दाखवून विचारतोय की, “दोष फक्त नागरिकांचा का? प्रशासनातील त्रुटींवर कोण कारवाई करणार?”
मुख्य मुद्दे:
नागरिकांनी वेळेवर कचरा घंटागाडी न आल्याबाबत नाराजी व्यक्त केली आहे.
महापालिकेचे ठेकेदार वेळेवर घंटागाडी पाठवत नसल्यास त्यावर कोणतीही माहिती किंवा दंडाचे नियम जाहीर नाहीत, ही प्रमुख तक्रार आहे.
अनेक ठिकाणी नागरिकांनी घंटागाडीची वाट पाहून वैतागून रस्त्यावरच कचरा टाकला असल्याचे निरीक्षण.
नागरिकांची मागणी:
जसे नागरिकांनी कचरा टाकल्यास दंड आकारला जातो, तसेच वेळेवर घंटागाडी न पाठवणाऱ्या ठेकेदारांवरही पारदर्शक दंड प्रक्रिया असावी. त्याचे दर आणि जबाबदारी याची माहिती महापालिकेने खुलीपणे द्यावी, अशी नागरिकांची अपेक्षा आहे.
महापालिकेची जबाबदारी:
सध्या महापालिकेकडून ठेकेदारांना जबाबदारी दिली गेली असली, तरी त्यांच्या कामगिरीबाबत जनतेला माहिती नसल्याने प्रश्न निर्माण होत आहेत. यासंदर्भात आयुक्तांनी स्पष्ट नियमावली आणि दंड रचना प्रसिद्ध करावी, अशी सोशल मीडियावरून(social media) जोरदार मागणी होत आहे.
स्वच्छतेसाठी नागरिकांनी जबाबदारी घेतली पाहिजेच, पण त्याचबरोबर महापालिकेनेही पारदर्शकतेने काम करून विश्वास निर्माण करणे गरजेचे आहे.
“दंड हा दोन्हीकडचा असावा, फक्त नागरिकांना नाही!” – असा सूर नागरिकांच्या प्रतिक्रियांमधून उमटतोय.
हेही वाचा :
