प्रसिद्ध रॅपर(rapper), गीतकारासह इतर आठ जणांना अटक करण्यात आली आहे. मल्याळम रॅपर वेदानसह आठ जणांना फ्लॅटमधून गांजा सापडल्यानंतर अटक करण्यात आली आहे. पोलिसांनी यासंदर्भात माहिती दिली. मूळचे त्रिशूर जिल्ह्यातील रहिवासी असलेले वेदान यांचं खरं नाव हिरंददास मुरली आहे. मिळालेल्या माहितीनुसार, हिल पॅलेस पोलिसांनी ज्या फ्लॅटमध्ये वेदानसह नऊ जण उपस्थित होते, त्या फ्लॅटवर छापा टाकला आणि सर्वांना अटक केली आहे.
छाप्यादरम्यान फ्लॅटमधून पाच ग्रॅम गांजा जप्त करण्यात आल्याचं एका पोलीस अधिकाऱ्यानं सांगितलं. एका पोलीस अधिकाऱ्यानं सांगितलं की, “वेदान (rapper)आणि त्याचे मित्र गाण्याच्या सरावासाठी या जागेचा वापर करत होते. चौकशीदरम्यान वेदानने गांजा सेवन केल्याचे कबूल केले. गांजा व्यतिरिक्त, त्याचा मोबाईल फोन आणि सुमारे 9.50 लाख रुपयांची रोकड देखील घटनास्थळावरून जप्त करण्यात आली आहे.”
अधिकाऱ्यानं सांगितलं की, रोख रक्कम त्याच्या संगीत कार्यक्रमाच्या शुल्का म्हणून मिळाल्याचं सांगितलं जात आहे. पोलिसांनी दिलेल्या माहितीनुसार, सर्व आरोपींच्या अटकेची नोंद करण्यात आली आहे आणि हेल्थ चेकअरनंतर त्यांना पोलीस ठाण्यातून जामीनावर सोडण्यात आलं आहे. जप्त केलेल्या ड्रग्जच्या सोर्सचा शोध घेण्यासाठी पोलिसांकडून कसून तपास सुरू करण्यात आल्याची माहिती पोलिसांनी दिली आहे.
सुत्रांनी दिलेल्या माहितीनुसार, रॅपरला(rapper) पोलिसांनी अटक केली आहे. रॅपरकडे पोलिसांना एक सोन्याची चैन सापडली असून त्या चैनला बिबट्याच्या दादासारखी एक वस्तू लावण्यात आली होती. पोलिसांनी सोन्याची चैन ताब्यात घेऊन वन अधिकाऱ्यांना दाखवली, त्यानंतर वन अधिकाऱ्यांनी लॉकेटची तपासणी करुन ते बिबट्याचे दात असल्याचं सांगितलं आहे. रॅपर वेदानच्या लॉकेटला बिबट्याचेच दात लावण्यात आल्याचं स्पष्ट झालं आहे.
चौकशीदरम्यान, वेदाननं सुरुवातीला सांगितलं की, ते थायलंडहून आणले होते, पण, त्यानंतर त्यानं दावा केला की, मे 2024 मध्ये चेन्नईत झालेल्या एका कार्यक्रमात त्याच्या एका चाहत्यानं त्याला भेट दिलं होतं. सध्या पोलिसांकडून रॅपरनं जबाबात सांगितलेल्या गोष्टींची सत्यता पडताळून पाहण्यासाठी सखोल तपास सुरू आहे. रविवारी सकाळी कोची येथील एका फ्लॅटमधून गांजा जप्त झाल्यानंतर उत्पादन शुल्क विभागानं रॅपर वेदानला अटक केली. अलिकडेच, अभिनेता शाईन टॉम चाकोलाही ड्रग्जशी संबंधित प्रकरणात अटक करण्यात आली होती.
हेही वाचा :
शिवसेना ठाकरे गटाला हा मोठा धक्का…
‘मला जितका इस्लाम समजलाय…,’ धर्मांतर करणाऱ्या दीपिकानं पहलगाम हल्ल्याबाबत हे काय म्हटलं?
‘कट म्हटल्यानंतरही तो किस करत राहिला शिवाय चावा…’, माधुरी दीक्षितच्या खुलाशाने बॉलिवूड हादरलं!
