एलपीजी ग्राहकांसाठी महत्त्वाची बातमी समोर आली आहे. (gas cylinder) पश्चिम आशियातील वाढत्या भू-राजकीय तणावामुळे आणि जागतिक पुरवठा साखळीतील अडथळ्यांमुळे एलपीजीच्या किमतींवर दबाव कायम आहे. विशेषतः 19 किलोच्या व्यावसायिक गॅस सिलेंडरच्या दरात वाढ झाल्याने हॉटेल, रेस्टॉरंट आणि व्यावसायिक क्षेत्रावरील खर्च वाढला आहे. मात्र, सर्वसामान्यांसाठी दिलासादायक बाब म्हणजे 14.2 किलोच्या घरगुती एलपीजी सिलेंडरच्या दरात कोणताही बदल करण्यात आलेला नाही.
व्यावसायिक एलपीजी सिलेंडरचे दर मोठ्या शहरांमध्ये 3 हजार रुपयांच्या पुढे गेले आहेत. दिल्लीत 19 किलोचा व्यावसायिक सिलेंडर 3,113.50 रुपयांना मिळत असून कोलकात्यात त्याची किंमत 3,255.50 रुपये आहे. मुंबईत हा सिलेंडर 3,067.50 रुपयांना तर चेन्नईत 3,283 रुपयांना उपलब्ध आहे.घरगुती एलपीजी सिलेंडरचे दर मात्र स्थिर ठेवण्यात आले आहेत. दिल्लीत 14.2 किलोचा सिलेंडर 942 रुपयांना, मुंबईत 941.50 रुपयांना, कोलकात्यात 968 रुपयांना आणि चेन्नईत 957.50 रुपयांना उपलब्ध आहे. प्रधानमंत्री उज्ज्वला योजनेच्या लाभार्थ्यांना अनुदानित दरात सिलेंडर मिळत आहे.
किमती वाढण्यामागे जागतिक ऊर्जा बाजारातील अस्थिरता हे प्रमुख कारण मानले जात आहे. होर्मुझ सामुद्रधुनीतून होणाऱ्या एलपीजी पुरवठ्यावर परिणाम झाल्याने आंतरराष्ट्रीय बाजारात एलपीजीच्या किमती वाढल्या आहेत. (gas cylinder) त्यामुळे व्यावसायिक सिलेंडरच्या दरात सातत्याने वाढ होत आहे.दरम्यान, पेट्रोलियम मंत्रालयाने देशात इंधन आणि एलपीजीचा पुरेसा साठा उपलब्ध असल्याचे स्पष्ट केले आहे. आंतरराष्ट्रीय बाजारातील परिस्थिती सुधारल्यास आगामी काळात किमतींमध्ये दिलासा मिळू शकतो, (gas cylinder) अशी अपेक्षा व्यक्त केली जात आहे.
हेही वाचा :
आंबे खाल्ल्यानंतर दोन बहीणींचा मृत्यू
