हाय सिक्युरिटी रजिस्ट्रेशन नंबर प्लेट म्हणजेच HSRP नंबर प्लेट मुदत संपल्याने वाहनधारकांची तारांबळ उडाली आहे.1 एप्रिल 2019 च्या अगोदरच्या वाहनांना HSRP नंबर प्लेट बसविणे अत्यावश्यक आहे. सोलापुरात 1 एप्रिल 2019 ची तब्बल 9 लाख वाहने आहेत, (plate) त्यापैकी फक्त 2 लाख सत्तर हजार वाहनांवर HSRP नंबर प्लेट बसविण्यात आली आहे.
सोलापुरातील उप प्रादेशिक परिवहन अधिकारी विजय पाटील यांनी अधिकृत रित्या माहिती देताना सांगितलं, तब्बल पाच वेळा HSRP नंबर प्लेट बसविण्यासाठी मुदतवाढ देण्यात आली होती.30 जून 2026 नंतर मुदतवाढ मिळेल अशी अपेक्षा अनेक वाहनधारकांना होती, मात्र राज्य शासनाने मुदतवाढ दिली नाही. HSRP नंबर प्लेट नसेल तर वाहन संबंधी सर्व काम रखडणार,त्याची खरेदी विक्री होणार नाही, (plate) तसेच इतर कामे केली जाणार नाहीत.परिवहन आयुक्तांनी दिलेल्या आदेशानुसार गस्ती पथकामार्फत HSRP नंबर प्लेट नसलेल्या वाहनांना कमीतकमी 1 हजार रुपये दंड आकारला जाणार आहे.
HSRP नंबर प्लेट बसविण्याचा मुख्य उद्दिष्ट म्हणजे वाहनांबाबत कोणताही गैरप्रकार होणार नाही.हाय सिक्युरिटी नंबर प्लेट असल्याने चोरीचे वाहन ताबडतोब पोलिसांच्या नजरेस येईल. (plate) तसेच फॅन्सी नंबर प्लेट मुळे अनेक अपघात ग्रस्त वाहनांची ओळख पटविणे अवघड जाते.मात्र वाहनाला HSRP नंबर प्लेट असेल तर अपघातस्थळी ओळख होईल आणि तत्काळ मदत मिळण्यात सोपे होईल.HSRP नंबर प्लेट बसविणाऱ्या वाहनधारकांना वाहन हस्तांतरण,पत्ता बदल,कर्जबोजा चढविणे किंवा उतरविणे,वाहनाची पुनर्नोंदणी,वाहनातील बदल तसेच परवाना नूतनीकरण यांसारख्या आरटीओमधील सेवा तत्काळ उपलब्ध होतील.
हेही वाचा :
शेतकऱ्यांनो कर्जमाफी यादीत नाव कसं तपासाल?
