लसूण पदार्थांची चव वाढवणारा आणि आरोग्यासाठी फायदेशीर मानला जातो. मात्र बऱ्याच लोकांना लसुण सोलायचा खूप कंटाळा येतो. चला तर मग लसूण सोलण्याच्या काही सोप्या ट्रिक्स जाणून घेऊयात, ज्यामुळे तुमचे काम सोपे होईल.
प्रत्येक भारतीय स्वयंपाकघरात पदार्थांची चव वाढवण्यासाठी लसणाचा वापर केला जातो. तर लसूण अन्नाची चव आणि सुगंध वाढवतोच शिवाय आरोग्यासाठी फायदेशीर मानला जातो. डाळ, भाज्या, चटण्या आणि इतर अनेक पदार्थांमध्ये लसूण वापरल्याने त्यांची चव वाढते. त्यात ॲलिसिन, व्हिटॅमिन बी6, व्हिटॅमिन सी, मॅंगनीज, सेलेनियम आणि अँटीऑक्सिडंट्स यांसारखी अनेक पोषक तत्वे असतात, जी शरीरासाठी आवश्यक मानली जातात. (Peel garlic) त्यामुळे अनेकजण आपल्या रोजच्या आहारात याचा समावेश करतात.
पदार्थांमध्ये लसूण वापरण्याआधी तो सोलणे हे अनेकांसाठी एक अवघड आणि कंटाळवाणे काम वाटतं. त्याची पातळ, कोरडी साल बोटांनी सहज निघत नाही, ज्यामुळे हे काम वेळखाऊ ठरते. विशेषतः जेव्हा एकाच वेळी जास्त लसूण सोलायचा असतो, तेव्हा हे काम आणखीच त्रासदायक ठरते. त्यामुळे आपल्यापैकी बहुतेकजण लसूण झटपट कसा सोलून होईल यासाठी अनेक उपाय करतात. तर आजच्या लेखात आपण लसूण सोलण्याच्या काही सोप्या ट्रिक्स आहेत ते जाणून घेऊयात.
जर तुम्हाला लसूण सोलायला जास्त वेळ लागत असेल, तर काही सोप्या पद्धती आहेत ज्यांचा वापर करून तुम्ही ते काही मिनिटांत करू शकता. सर्वात सोपा मार्ग म्हणजे लसणाच्या पाकळ्या एका भांड्यात ठेवून, त्यावर दुसरे भांडे किंवा प्लेट ठेवून काही सेकंदांसाठी जोरात हलवणे. (Peel garlic) यामुळे बऱ्याच पाकळ्यांची साल सैल होईल. याव्यतिरिक्त लसणाच्या पाकळ्या 5 ते 10 मिनिटे कोमट पाण्यात भिजत ठेवल्याने देखील सालं लवकर सोलता येतात.
तुम्ही सुरीच्या मदतीने लसणाची पाकळी सोलून घेऊ शकता. जर तुम्हाला एकाच वेळी जास्त लसूण सोलायचा असेल, तर मायक्रोवेव्हमध्ये 10 ते 15 सेकंदांसाठी हलके गरम केल्याने साल सैल होते आणि काही मिनिटांतच लसूण सोलून ठेवता येतो. मात्र लसूण जास्त वेळ गरम करणे टाळा, कारण यामुळे लसणाच्या पोतावर आणि चवीवर परिणाम होऊ शकतो. लसूण सोलताना नेहमी सुक्या आणि चांगल्या प्रतीच्या पाकळ्या निवडाव्यात, कारण खराब झालेला किंवा नरम लसूण लवकर खराब होऊ शकतो. पाणी वापरत असल्यास पाकळ्या जास्त वेळ पाण्यात भिजवू नका कारण त्यामुळे त्यांची चव आणि पोत बदलू शकतो.
सुरीने लसणाची साल काढताना हाताला इजा होऊ नये याची काळजी घ्या. गरजेनुसारच लसूण सोला, कारण सोललेला लसूण जास्त दिवस साठवून ठेवल्यास त्याचा ताजेपणा आणि सुगंध कमी होऊ शकतो. लसूण जास्त दिवस ताजा ठेवण्यासाठी तो थंड, कोरड्या आणि हवेशीर जागी ठेवा. हवाबंद प्लास्टिकच्या पिशवीत ठेवल्यास त्यात ओलावा अडकून राहू शकतो, (Peel garlic) ज्यामुळे लसूण लवकर खराब होऊ शकतो. लसूण जाळीच्या टोपलीत कागदी पिशवीत किंवा हवेशीर उघड्या भांड्यात साठवून ठेवणे उत्तम. लसूण सूर्यप्रकाश आणि जास्त आर्द्रतेपासून दूर ठेवा. जर लसणाच्या पाकळ्या आधीच सोललेल्या असतील, तर त्या रेफ्रिजरेटरमध्ये हवाबंद डब्यात ठेवा आणि काही दिवसांतच वापरा.
हेही वाचा :
केंद्रीय मंत्रिमंडळात मोठा फेरबदल होणार शिंदेंच्या वाट्याला किती मंत्रिपदे येणार?
सुप्रिया सुळेंच्या आरोग्याबाबत मोठी अपडेट डॉक्टरांनी दिला ‘व्हॉइस रेस्ट’चा सल्ला?
