इचलकरंजी महानगरपालिकेच्या(municipal corporation) प्रभाग रचनेसाठी राज्य शासनाने “ड” वर्गातील महापालिकांकरिता निश्चित केलेले टप्प्याटप्प्याचे वेळापत्रक नुकतेच जाहीर करण्यात आले आहे. या वेळापत्रकानुसार, विविध टप्प्यांतून नियोजनबद्ध कार्यवाही करून अंतिम प्रभाग रचना सप्टेंबर २०२५पूर्वी प्रसिद्ध होणार आहे. ही प्रक्रिया पारदर्शक, न्याय्य आणि स्थानिक स्वराज्य संस्थांना सक्षम करणारी ठरेल, असा विश्वास व्यक्त करण्यात आला आहे.
या प्रक्रियेचा प्रारंभ ११ जून २०२५ पासून होत असून, त्या दिवशीपासून १६ जूनपर्यंत प्रभाग टप्प्यांची प्राथमिक मांडणी केली जाणार आहे. त्यानंतर १७ ते २३ जूनदरम्यान जनगणनेवरील आधारित माहितीचे परीक्षण व स्थळ पाहणी होणार आहे.
गूगल मॅपचा उपयोग करून २४ ते २६ जूनदरम्यान प्रभागाचे नकाशे तयार केले जातील. हे नकाशे प्रत्यक्ष क्षेत्रातील वास्तवाशी जुळतात का याची खातरजमा २७ ते ३० जून दरम्यान केली जाईल(municipal corporation). १ ते ३ जुलैदरम्यान या नकाशांवर आधारित प्रारूप प्रभाग रचना समितीसमोर मांडण्यात येईल.
या प्रारूप रचनेचा मसुदा ४ ते ८ जुलै दरम्यान राज्य निवडणूक आयोगाला सादर करण्यात येणार आहे. आयोगाकडून प्राप्त सूचना लक्षात घेऊन आवश्यक बदल करण्यात येतील. त्यानंतर १५ ते २१ जुलै या कालावधीत प्रारूप प्रभाग रचना प्रसिद्ध करून जनतेकडून हरकती व सूचना मागवण्यात येणार आहेत.
प्राप्त हरकती व सूचनांचा विचार जिल्हाधिकारी आणि संबंधित अधिकाऱ्यांकडून २२ ते ३१ जुलैदरम्यान केला जाईल. १ ते ७ ऑगस्टदरम्यान या सूचनांवर सुनावणी होईल आणि अंतिम मसुदा तयार करून राज्य निवडणूक आयोगाकडे मान्यतेसाठी पाठवण्यात येईल.
राज्य निवडणूक आयोगाने २२ ऑगस्ट ते १ सप्टेंबर २०२५ दरम्यान अंतिम प्रभाग रचना अधिकृतपणे जाहीर करणार आहे. महापालिका आयुक्त व मुख्याधिकारी यांना ही मान्यता प्राप्त रचना कळवण्यात येईल.
ही संपूर्ण प्रक्रिया नागरिकांच्या सहभागातून, खुल्या आणि पारदर्शक पद्धतीने पार पडणार असून, शहरातील प्रभाग रचना अधिक संतुलित व कार्यक्षम होण्यासाठी याचा उपयोग होणार आहे. संबंधित अधिकाऱ्यांना वेळापत्रकाप्रमाणे कार्य पूर्ण करण्याचे स्पष्ट निर्देश देण्यात आले आहेत.
हेही वाचा :
- सणाच्या दिवशीही अस्वच्छतेचा त्रास – कटके गल्लीतील नागरिक त्रस्त, प्रमोद बचाटे यांचा महापालिकेला इशारा
- इचलकरंजी मनपा शाळांमध्ये मोफत गणवेश, वह्या, पुस्तकांसह १९ प्रकारचे शालेय साहित्य वाटप; दर्जा खासगी शाळांच्या धर्तीवर उंचावणार
- इचलकरंजीमध्ये ढगफुटी सदृश्य मुसळधार पावसामुळे जनजीवन विस्कळित – रस्त्यांवर पाणीच पाणी, नागरिकांमध्ये चिंता
