पुण्यातील कोथरूड परिसरात एक धक्कादायक प्रकार घडला.(quick) चार वर्षांच्या चिमुकलीला घरात कुलूपबंद ठेवून तिची आई मोठ्या मुलीला शाळेत सोडण्यासाठी गेली असताना ही मुलगी थेट खिडकीत पोहचली. यामुळे गोंधळ उडाला, पण अग्निशमन दलाच्या जवानाच्या प्रसंगावधानामुळे एका निष्पाप जीवाचा जीव वाचला.ही घटना कोथरूडच्या गुजर निंबाळकरवाडी येथील सोनवणे बिल्डिंगमध्ये घडली. चांदणे नावाची महिला तिच्या मोठ्या मुलीला शाळेत सोडण्यासाठी घराबाहेर पडली. त्यावेळी तिने चार वर्षांची भाविका हिला घरात कुलूप लावून ठेवले. पण काही वेळातच भाविका चालत चालत खिडकीपर्यंत पोहोचली आणि लोखंडी गजातून डोकं बाहेर काढत सज्जावर आली.
खिडकीतून डोकं बाहेर काढलेली ही चिमुकली बघून सोसायटीतील रहिवाशांनी आरडाओरड सुरु केली.(quick) सुदैवाने अग्निशमन दलात तांडेल म्हणून कार्यरत असलेले योगेश चव्हाण त्या दिवशी वीकली ऑफमुळे घरीच होते. त्यांनी आवाज ऐकून क्षणार्धात तिसऱ्या मजल्यावर धाव घेतली, पण दरवाजाला कुलूप असल्यामुळे ते लगेच खाली उतरून चांदणे यांच्याकडून चावी आणली.दरवाजा उघडताच त्यांनी सज्ज्यावर आलेल्या भाविकाला खिडकीतून आत ओढून घेतले आणि तिचा जीव वाचवला. सकाळी ९ वाजून ६ मिनिटांनी घडलेली ही घटना काही मिनिटांमध्ये परिसरात चर्चा आणि गोंधळाचे कारण बनली. बाळाच्या सुरक्षिततेसाठी सर्वांनीच सुटकेचा निश्वास सोडला.
पुण्यात चार वर्षाच्या लहान मुलीला घरात बंद करुन जाणं जिवावर बेतलं असतं. अग्निशमन दलातील जवानाच्या समयसुचकतेमुळे मुलीचे प्राण वाचले आहेत. #Pune #video pic.twitter.com/VKJoRqaXz0
— Ankita Shantinath Khane July 8, 2025
या प्रसंगात योगेश चव्हाण यांचे सतर्कतेने दाखवलेले धैर्य कौतुकास्पद ठरले.(quick) केवळ काही क्षण उशीर झाला असता तर ही घटना गंभीर वळण घेऊ शकली असती. तिसऱ्या मजल्यावरून खिडकीत आलेल्या मुलीला तात्काळ मदत न मिळाली असती, तर मोठा अपघात झाला असता.या घटनेनंतर अनेकांनी आईच्या निष्काळजीपणावर प्रश्न उपस्थित केले आहेत. बालकांना घरात एकटे ठेवणे किती धोकादायक ठरू शकते, याचा हा स्पष्ट इशारा आहे. पोलिसांनी सदर घटनेची दखल घेतली असून पुढील चौकशी सुरु आहे.
हेही वाचा :
शंभर कोटी रुपयांचे रस्तेच चोरीला गेलेत !
स्थानिक स्वराज्य संस्थांच्या निवडणुकीसंदर्भात निवडणूक आयोगाने घेतला मोठा निर्णय!
