आषाढी वारीनिमित्त लाखो वारकरी पंढरपूर येथे विठ्ठलाच्या दर्शनासाठी दाखल होत आहेत. या पार्श्वभूमीवर वारकऱ्यांना कोणतीही गैरसोय होऊ नये आणि धार्मिक वातावरण कायम राहावे, यासाठी प्रशासनाने महत्त्वाचा निर्णय घेतला आहे. (Ashadhi Wari) त्यानुसार पंढरपूर शहर आणि परिसरात 15 दिवस मांस व मटण विक्रीवर बंदी लागू करण्यात आली आहे. या निर्णयाचे वारकरी स्वागत करत असले, तरी मांसाहारी नागरिक आणि व्यावसायिकांवर त्याचा परिणाम होणार आहे.
15 जुलै ते 29 जुलैपर्यंत राहणार बंदी सोलापूर जिल्ह्याचे पालकमंत्री जयकुमार गोरे यांच्या निर्देशानंतर जिल्हाधिकाऱ्यांनी हा निर्णय जाहीर केला आहे. आदेशानुसार 15 जुलैपासून 29 जुलैपर्यंत पंढरपूर शहरासह आजूबाजूच्या परिसरात मांस आणि मटण विक्री पूर्णपणे बंद राहणार आहे. आषाढी वारीदरम्यान धार्मिक भावना लक्षात घेऊन ही बंदी लागू करण्यात आली आहे.आषाढी वारीच्या काळात राज्याच्या विविध भागांतून लाखो वारकरी पंढरपुरात येतात. (Ashadhi Wari) याच काळात काही भागांत सुरू असलेल्या मांसविक्रीबाबत आक्षेप नोंदवण्यात आला होता. वारकऱ्यांना कोणताही त्रास होऊ नये आणि परिसरातील वातावरण धार्मिक परंपरेनुसार राखले जावे, या उद्देशाने प्रशासनाने हा निर्णय घेतल्याचे सांगण्यात आले आहे. 29 जुलैनंतर ही बंदी उठवण्यात येईल आणि त्यानंतर मांसविक्री पूर्ववत सुरू होईल. प्रशासनाने सर्व नागरिक आणि व्यावसायिकांना या आदेशाचे पालन करण्याचे आवाहन केले आहे.
वारकऱ्यांसाठी प्रशासनाची विशेष तयारी मोठ्या संख्येने वारकरी येणार असल्याने प्रशासनाने विविध सुविधा उपलब्ध करून देण्याची तयारी पूर्ण केली आहे. वारकऱ्यांच्या निवास, भोजन आणि इतर मूलभूत गरजांची व्यवस्था करण्यात आली असून, विविध ठिकाणी तात्पुरती प्रसाधनगृहेही उभारण्यात येत आहेत. (Ashadhi Wari) याशिवाय, वारकऱ्यांचा प्रवास अधिक सुलभ व्हावा यासाठी महाराष्ट्र राज्य मार्ग परिवहन महामंडळ नेही विशेष नियोजन केले आहे. 40 किंवा त्यापेक्षा अधिक वारकरी एकत्र प्रवास करणार असतील, तर त्यांच्यासाठी थेट विशेष एसटी बस उपलब्ध करून देण्याची तयारी महामंडळाने दर्शवली आहे. त्यामुळे आषाढी वारीदरम्यान प्रवास आणि व्यवस्थापन अधिक सुलभ होण्याची अपेक्षा व्यक्त केली जात आहे.
हेही वाचा :
इराणची जगाला मोठी धमकी, ज्याची भीती तेच घडले, थेट भारतातही?
सर्दी, खोकल्यावर सोप घरगुती उपाय, रस एकमेव पर्याय, औषधांची गरज नाही?
आषाढी वारीनिमित्त प्रशासनाचा महत्त्वाचा निर्णय मांसविक्रीवर 15 दिवस पूर्ण बंदी?
