कॉकरोच जनता पार्टीचे दिल्लीतील जंतर मंतर येथे आंदोलन सुरू आहे. या आंदोलनाची व्याप्ती देशभरात वाढत आहे. त्यामध्येच आता सरकारकडून मोठा निर्णय घेण्यात आला. दिल्लीत विद्यार्थ्यांची संख्या जंतर मंतरवर वाढत आहे.
दिल्लीतील जंतर मंतर येथे कॉकरोच जनता पार्टीचे आंदोलन सुरू आहे. मोठ्या संख्येने विद्यार्थी दिल्लीत दाखल झाले. पोलिसांवर काल रात्री टार्गेट करत हल्ला करण्यात आला. (Jantar Mantar) ज्यात काही पोलिस अधिकारी जखमी झाले. जंतर मंतरवर सतत आंदोलकांची संख्या वाढत आहे. देशाचे पावसाळी अधिवेशन सुरू आहे. संसद परिसरात मोठा पोलिस बंदोबस्त आहे. या आंदोलनाला हिंसक वळण आले. थेट संसदेवर मोर्चा नेण्याचा प्रयत्न करण्यात आला. केंद्रीय शिक्षण मंत्री धर्मेंद्र प्रधान यांच्या राजीनाम्यासाठी आंदोलक ठाम आहेत. धर्मेंद्र प्रधान यांच्या घराच्या सुरक्षेत वाढ करण्यात आली.
पंतप्रधान नरेंद्र मोदी यांनी या नीट पेपरफुटीचे प्रकरण फास्ट-ट्रॅक कोर्टात चालवले जाणार असल्याचे स्पष्ट केले. मात्र, कॉकरोच जनता पार्टीला कोणत्याही परिस्थितीमध्ये धर्मेंद्र प्रधान यांचा राजीनामा हवा आहे.कॉकरोच जनता पार्टीच्या आंदोलनाला देशभरातून प्रतिसाद मिळत आहे. देशातील अनेक शहरात आंदोलने सुरू आहेत. मात्र, सरकारकडून धर्मेंद्र प्रधान (Jantar Mantar) यांचा राजीनामा घेतला जात नाही. आंदोलक अधिक आक्रमक होताना दिसत आहेत. दिल्लीतील काही मेट्रो स्टेशन देखील बंद ठेवण्यात आलीत. आंदोलनातील धक्कादायक व्हिडीओ पुढे आल्याने खळबळ उडाली.
पोलिसांना टार्गेट करत हल्ले केले जात आहेत. यासोबतच बांगलादेशमध्ये जे घडले तेच होईल, असेही काही आंदोलकांकडून बोलले जात आहे, (Jantar Mantar) ज्यामुळे या आंदोलनावर गंभीर प्रश्न उपस्थित होत आहेत. संसद भवन परिसरात कडक बंदोबस्त आहे. दिल्लीत पोलिस आणि इतर यंत्रणा अलर्ट मोडवर आहेत. जंतर मंतरवरील वाढणारी गर्दी डोकेदुखी ठरत आहे.पाकिस्तानच्या काही सोशल मीडिया अकाऊंटवरून तरूणांची माथी भडकवणारी व्हिडीओ व्हायरल केली जात आहेत. त्यामध्येच आता दिल्लीतील इंटरनेट सेवा बंद करण्यात आली. कोणत्याही प्रकारचे भडकावू भाषण आणि व्हिडीओ व्हायरल होऊ नयेत, याकरिता दिल्लीतील इंटरनेट सेवा बंद करण्यात आली. हा अत्यंत मोठा निर्णय म्हणावा लागेल. धर्मेंद्र प्रधान यांच्या राजीनाम्यासाठी सरकारवर दबाव वाढत आहे.
हेही वाचा :
हेरवाडमध्ये पाण्याच्या टाकीतून हजारो लिटर पाणी गळतीने वाया?
