मुख्यमंत्री माझी लाडकी बहीण योजनेच्या लाभार्थी महिलांमध्ये जुलै महिन्याच्या हप्त्याबाबत उत्सुकता वाढली आहे. जुलै महिना संपत आला असतानाही अनेक महिलांच्या बँक खात्यात अद्याप जुलैचा १,५०० रुपयांचा हप्ता जमा झालेला नाही. (women) त्यामुळे राज्यभरातील लाभार्थी महिला हप्ता नेमका कधी मिळणार, याची प्रतीक्षा करत आहेत.
या योजनेअंतर्गत पात्र महिलांना दरमहा १,५०० रुपयांची आर्थिक मदत दिली जाते. जून महिन्याचा हप्ता जुलै १५ रोजी लाभार्थींच्या खात्यात जमा करण्यात आला होता. (women) त्यानंतर आता जुलै महिन्याच्या हप्त्याची प्रतीक्षा सुरू असून, त्याबाबत विविध चर्चा रंगत आहेत.
मिळालेल्या माहितीनुसार, जुलै महिन्याचा हप्ता ऑगस्टच्या पहिल्या किंवा दुसऱ्या आठवड्यात, म्हणजेच १५ ऑगस्टपर्यंत लाभार्थींच्या खात्यात जमा होण्याची शक्यता व्यक्त केली जात आहे. सरकारकडून दर महिन्याच्या सुरुवातीला निधी वितरित करण्याचे नियोजन केले जात असले तरी, प्रशासकीय प्रक्रिया आणि तांत्रिक कारणांमुळे काहीवेळा हप्ता उशिराने जमा होऊ शकतो.
मात्र, जुलै महिन्याचा हप्ता नेमका कोणत्या दिवशी वितरित केला जाणार, याबाबत राज्य सरकारकडून अद्याप कोणतीही अधिकृत घोषणा करण्यात आलेली नाही. (women) त्यामुळे लाभार्थी महिलांनी सोशल मीडियावरील अप्रमाणित संदेशांवर विश्वास न ठेवता शासनाच्या अधिकृत सूचना आणि घोषणांकडे लक्ष ठेवावे, असे आवाहन करण्यात येत आहे.
हेही वाचा :
राष्ट्रवादी काँग्रेसच्या विलीनीकरणावर शरद पवारांची एका वाक्यात प्रतिक्रिया म्हणाले?
बदली, मानधनी १,१९८ कर्मचाऱ्यांच्या कायम सेवेचा निर्णय लांबणीवर?
