15 ऑगस्टच्या पार्श्वभूमीवर दिल्ली शहरातील सुरक्षा व्यवस्था अधिक कडक करण्यात आली असतानाच बॉम्बस्फोटाच्या धमकीने खळबळ उडाली आहे. दिल्ली हायकोर्ट , IGI विमानतळासह राजधानीतील सहा महत्त्वाच्या ठिकाणांना धमकी मिळाल्याची माहिती आहे. धमकीनंतर सुरक्षा यंत्रणा सतर्क झाल्या असून बॉम्बशोधक पथकांकडून संबंधित परिसरांची तपासणी सुरू करण्यात आली आहे.
दिल्ली हायकोर्टाला ई-मेलच्या माध्यमातून बॉम्बस्फोटाची धमकी मिळाल्याचे समोर आले आहे. माहिती मिळताच पोलिस आणि बॉम्बविरोधी पथकाने न्यायालयाच्या परिसरात तपासणी सुरू केली. सुरक्षेच्या दृष्टीने आवश्यक ती खबरदारी घेत परिसराची कसून झडती घेण्यात येत आहे. हायकोर्टाच्या रजिस्ट्रार जनरल कार्यालयाकडूनही या प्रकरणाची माहिती दिल्ली पोलिसांना देण्यात आली असून, (bomb) त्यानंतर सुरक्षा यंत्रणांनी तातडीने हालचाली सुरू केल्या.
केवळ हायकोर्टालाच नव्हे, तर राजधानीतील आणखी पाच ठिकाणांनाही अशाच प्रकारची धमकी मिळाल्याचे सांगण्यात आले आहे. जामनगर हाऊस, झंडेवालान येथील फ्लॅटेड इमारत, एमबी साकेतमधील डीएम कार्यालय, IGI विमानतळाचे टर्मिनल-3 आणि दिल्ली कॅन्टमधील एसडीएम कार्यालय या ठिकाणांचा त्यात समावेश आहे. धमकीची माहिती मिळाल्यानंतर संबंधित ठिकाणी सुरक्षा पथके आणि अग्निशमन दलाच्या गाड्या दाखल झाल्या. (bomb) सर्व सहा परिसरांमध्ये तपास सुरू असून, आतापर्यंत कोणतीही संशयास्पद वस्तू आढळल्याची माहिती समोर आलेली नाही.
धमकीचा ई-मेल नेमका कोणी पाठवला, त्यामध्ये काय मजकूर होता आणि या प्रकरणामागे कोणाचा हात आहे, याबाबत पोलिसांकडून अद्याप अधिकृत माहिती देण्यात आलेली नाही. धमकी मिळालेल्या प्रत्येक ठिकाणी सुरक्षा यंत्रणा तपास करत असून, कोणतीही बाब दुर्लक्षित केली जात नाही. संशयास्पद वस्तू किंवा हालचाल आढळते का, यासाठी परिसराची बारकाईने पाहणी केली जात आहे. त्यामुळे तपास पूर्ण होईपर्यंत संबंधित ठिकाणी अतिरिक्त दक्षता घेण्यात येत आहे.
दरम्यान, 15 ऑगस्ट स्वातंत्र्य दिनाच्या पार्श्वभूमीवर दिल्लीसह देशातील महत्त्वाच्या ठिकाणी आधीपासूनच मोठा सुरक्षा बंदोबस्त ठेवण्यात आला आहे. विविध मार्गांवर तपासणी वाढवण्यात आली असून, गर्दीच्या आणि सार्वजनिक ठिकाणी सुरक्षा यंत्रणांकडून विशेष लक्ष दिले जात आहे. पंतप्रधान नरेंद्र मोदी 15 ऑगस्ट रोजी लाल किल्ल्यावरून देशाला संबोधित करणार आहेत. या कार्यक्रमाच्या पार्श्वभूमीवर दिल्लीतील सुरक्षा व्यवस्था अधिक मजबूत करण्यात आली आहे. (bomb) अशातच सहा ठिकाणी बॉम्बस्फोटाची धमकी मिळाल्याने यंत्रणांसमोरील सतर्कतेचे आव्हान आणखी वाढले आहे.
हेही वाचा :
माजी खासदार राजू शेट्टींच्या ‘स्वाभिमानी’ला जाग, आता ‘एकला चलो’चा नारा?
