मुख्यमंत्री देवेंद्र फडणवीस यांनी अमराठी रिक्षा आणि टॅक्सी चालकांना जुजबी मराठी भाषा शिकण्यासाठी एक वर्षाची मुदतवाढ जाहीर केली आहे. चालकांच्या विनंतीवरून हा निर्णय घेण्यात आला, (Devendra Fadnavis) ज्यामुळे या कालावधीत त्यांच्यावर कोणतीही कारवाई होणार नाही. या निर्णयामुळे अमराठी चालकांना मराठी शिकण्यासाठी पुरेसा वेळ मिळणार आहे.
राज्यातील अमराठी रिक्षा आणि टॅक्सी चालकांना जुजबी मराठी भाषा शिकण्यासाठी एक वर्षाची मुदत देण्यात आली आहे, अशी घोषणा मुख्यमंत्री देवेंद्र फडणवीस यांनी केली. मीडियाशी संवाद साधताना त्यांनी ही घोषणा केली. रिक्षा आणि टॅक्सी चालकाच्या शिष्टमंडळाने भेट घेऊन ही विनंती केली होती. (Devendra Fadnavis) त्यामुळे त्यांना ही मुदतवाढ देण्यात आली आहे, असंही त्यांनी सांगितलं. या वर्षभरात अमराठी रिक्षा आणि टॅक्सी चालकांनी मराठी शिकलं पाहिजे, असं आवाहनही त्यांनी केलं आहे. रिक्षा आणि ऑटो चालकांना मराठी शिकण्यासाठी एक वर्षाची मुदतवाढ देण्यात आल्याने त्यांच्यावर आता वर्षभर कोणतीही कारवाई होणार नाही.
हाजी अराफत यांच्या नेतृत्वात ऑटो आणि रिक्षा चालकांनी आज माझी भेट घेतली. यावेळी शिष्टमंडळाने जुजबी मराठी आली पाहिजे याचं समर्थन केलं. मराठी शिकण्याचा आमचा प्रयत्नही सुरू आहे. भविष्यातही प्रयत्न करत राहू, असंही त्यांनी सांगितलं. मात्र, वेगवेगळ्या वयातील रिक्षा, टॅक्सी चालकांना कमी वेळात मराठी शिकता येणार नाही. त्यासाठी आम्हाला वेळ द्यावा, अशी त्यांनी विनंती केली. किमान मराठी शिकण्यासाठी एक वर्षाची मुदतवाढ देण्याची मागणी त्यांनी केली. त्यामुळे या अमराठी रिक्षा आणि ऑटोचालकांना जुजबी मराठी शिकण्यासाठी एक वर्षाची मुदत वाढ देण्याचा निर्णय घेण्यात आल्याचं मुख्यमंत्री देवेंद्र फडणवीस यांनी सांगितलं.
रिक्षा आणि टॅक्सी चालकांना मराठी शिकण्यासाठी एक वर्षाची मुदतवाढ देण्यात आली आहे. त्यामुळे या वर्षभरात त्यांच्यावर कोणतीही कारवाई केली जाणार नाही. एक वर्षात क्लासेस लावून किंवा मराठी साहित्याचा अभ्यास करून ही संघटना रिक्षा आणि टॅक्सीचालकांना जुजबी मराठी शिकवतील. रिक्षाचालक आणि ऑटो चालकांचं शिष्टमंडळ समोरून आलं. (Devendra Fadnavis) त्यांनी विनंती केली. वेळ वाढवून मागितली. त्यामुळे वेळ देणं आवश्यक होतं. त्यानुसार त्यांना एक वर्षाची मुदत वाढवून दिली आहे, असं मुख्यमंत्री म्हणाले. मुख्यमंत्र्यांच्या या निर्णयामुळे अमराठी रिक्षा आणि टॅक्सीचालकांना मोठा दिलासा मिळाला आहे.
हेही वाचा :
तुमच्याकडील LPG कनेक्शन बंद होणार? मोदी सरकारचा काय आहे नवा प्लॅन?
देवेंद्र फडणवीस पंतप्रधान व्हावेत राज्यातील बड्या नेत्याची इच्छा राजकीय चर्चांना उधाण?
