वर्ष 2006 आणि ऑक्टोबर महिना होता. मुंबईत नेहमीच्या दिवसाप्रमाणे लोक लोकल ट्रेनने कोणी कामाला जायला तर कोणी कॉलेज आणि नाइट शिफ्ट करुन घरी जायला निघाले होते. तेव्हा काही लोकांना मरीन लाइन्स स्टेशनच्या फुटओव्हर ब्रिजवर एका माणसाचा मृतदेह सापडला. घटनेची माहिती मिळताच पोलिस घटनास्थळी पोहोचले आणि समजले की तो मृतदेह विजय नावाच्या टॅक्सी ड्रायव्हरचा होता. मृतदेहाजवळ (Corpse)एक बिअरची बाटलीही सापडली. आज आम्ही तुम्हाला मुंबईच्या बिअर मॅनबद्दल सांगणार आहोत, जो त्याच्या खास हत्या पद्धतीसाठी ओळखला जात होता. तो हत्या करायचा आणि मृतदेहाजवळ बिअरची बाटली ठेवायचा.
या घटनेनंतर दोन महिन्यांनी, डिसेंबरमध्ये पुन्हा चर्चगेट स्टेशनवर एक मृतदेह सापडला. येथेही मृतदेहाजवळ एक रिकामी बिअरची बाटली आढळली. त्यानंतर 15 जानेवारीपर्यंत एकूण 7 मृतदेह सापडले. मरीन लाइन्स स्टेशन ते चर्चगेट स्टेशनदरम्यान झालेल्या या सर्व हत्यांचा एकच पॅटर्न होता. या प्रकरणांची चौकशी झाली, पण हत्यारा अजूनही पोलिसांच्या हाती लागला नव्हता. पोलिसांचे म्हणणे होते की, जेव्हा जेव्हा हत्या व्हायची, तेव्हा प्रत्येक वेळी मृतदेहाजवळ(Corpse) एक बिअरची बाटली सापडायची.
खूप शोध घेतल्यानंतर मुंबई पोलिसांनी एक विशेष तपास पथक (एसआयटी) तयार केले. पुराव्याच्या नावावर फक्त एक रिकामी बिअरची बाटली होती. पोलिसांनी पूर्ण ताकद लावली आणि अखेरीस 22 जानेवारी 2007 रोजी धोबी तलाव परिसरातून रविंद्र कांतरोल नावाच्या व्यक्तीला संशयावरून ताब्यात घेतले. त्याने रक्ताने माखलेले कपडे घातले होते आणि त्याच्याकडून एक खंजर जप्त करण्यात आला. त्यानंतर फेब्रुवारी महिन्यात झालेल्या नार्को टेस्टमध्ये आरोपीने 15 हत्यांची कबुली दिली.
रविंद्र कांतरोल याने सांगितले की तो व्यसनी आहे आणि याच कारणामुळे त्याने या हत्या केल्या. रविंद्रच्या म्हणण्यानुसार, तो नशेत असताना आपल्या शिकाऱ्याला पकडायचा, त्याला बिअर पिण्यास सांगायचा. बिअर पाजल्यानंतर तो त्या लोकांना मारहाण करून त्यांचा जीव घ्यायचा. जेव्हा हत्यांचे कारण विचारले गेले, तेव्हा त्याने फक्त एवढेच सांगितले की त्याला रक्ताची आवड आहे. तीन हत्यांचे प्रकरण स्थानिक न्यायालयात गेले आणि जानेवारी 2009 मध्ये त्याला एका खुनाच्या आरोपाखाली जन्मठेपेची शिक्षा झाली.
हेही वाचा :
भारत विरुद्ध पाकिस्तान सामना होणार की नाही, केंद्राचा मोठा निर्णय!
BEML भरतीला सुरुवात! लाखोंच्या घरात पगार
लघुशंकेने केला घात! फिरण्यासाठी सिंहगडावर आला अन्…