संजय राऊत यांचा मोठा दावा: मोदी सरकार पुढील सहा महिन्यांत पायउतार होईल. (dictatorship) त्यांनी अटक आणि गुन्हे दाखल करण्याच्या धमक्यांना भीक न घालता, हुकूमशाहीविरोधात लढण्याचा निर्धार व्यक्त केला. राहुल गांधींच्या नेतृत्वाखालील ‘इंडिया’ आघाडीची बैठक दिल्लीत होणार असून, पुढील आंदोलनाची दिशा ठरणार आहे.
तुम्हाला आमच्यावर जेवढे गुन्हे दाखल करायचे तेवढे करा. आम्हाला अटक करायची तर अटक करा. आम्ही घाबरत नाही. तुमची आता जाण्याची वेळ आली आहे. पुढच्या सहा महिन्यात मोदी सरकारला गाशा गुंडाळावा लागणार आहे, असा दावाच ठाकरे गटाचे नेते संजय राऊत यांनी केला आहे. संजय राऊत यांनी मीडियाशी संवाद साधताना हा दावा केला आहे.काल आंदोलन सुरू होतं. (dictatorship) यावेळी पोलिसांनी राहुल गांधी यांना आंदोलन करण्यापासून मज्जाव केला. तेव्हा राहुल गांधींनी विचारलं, आम्ही आंदोलन करायला कुठे बसायचं? या देशात आंदोलनावर हुकूमशाहाने बंदी आणली का? हे सांगावं. लोकशाहीत आंदोलनावर अशी बंदी आणता येणार नाही. अशी बंदी झाली तर नरेंद्र मोदींना राजीनामा द्यावा लागेल, असा इशाराच संजय राऊत यांनी दिला आहे.
काल पाच आंदोलकांवर गुन्हे दाखल करण्यात आले आहेत. त्यावरूनही राऊत यांनी केंद्र सरकारवर जोरदार टीका केली. पाच काय पाच हजार गुन्हे दाखल होऊ द्या. पाच गुन्हे दाखल झाले म्हणून सरकारला कौतुक वाटते का? आमच्या मुंबईतील आंदोलकांवर गुन्हे दाखल झाले आहेत. आदित्य ठाकरे, अमित ठाकरे आणि वरूण सरदेसाईंवर गुन्हे दाखल झाले आहेत. गुन्ह्याची भिती कुणाला दाखवता? करा गुन्हे दाखल, अटक करा. तुमच्या जाण्याची वेळ आली आहे. आपल्याला पुढच्या सहा महिन्यात दिल्लीतून गाशा गुंडाळावा लागेल, असा दावा राऊत यांनी केला.
काँग्रेस नेते राहुल गांधी यांनी आज इंडिया आघाडीची बैठक बोलावली आहे. त्याची माहितीही राहुल गांधी यांनी दिली. आज 4 वाजता राहुल गांधींनी इंडिया आघाडीच्या नेत्यांना चहापाणासाठी बोलावलं आहे. कालचं आंदोलन यशस्वी झालं. (dictatorship) त्यामुळे ही बैठक होत आहे. या बैठकीत पुढील आंदोलनावर चर्चा होईल आणि पुढची दिशा ठरवली जाईल. संध्याकाळी पुढची दिशा ठरेल, अशी माहिती त्यांनी दिली. शिवसेना पक्ष आणि चिन्हावर आज सुनावणी होत आहे. त्यावरही त्यांनी भाष्य केलं. सुनावणी लवकरात लवकर संपो. हा देशाच्या लोकशाहीला उर्जितावस्था लाभणारा निर्णय येवो, असं ते म्हणाले.
हेही वाचा :
अखेर मोदी सरकारने तो निर्णय घेतलाच कांद्याचा भाव धाडकन कमी सामान्यांना मोठा दिलासा
महाराष्ट्रात दुष्काळ, आयपीएल २०२७ चे सामने दुसऱ्या राज्यात हलवणार कदाचित संपूर्ण स्पर्धाच भारताबाहेर
शिरोळमधून युतीच्या उमेदवारांना पॅनेल टू पॅनेल मतदानाची ग्वाही
