पीएम किसान सन्मान निधी योजनेच्या लाभार्थी शेतकऱ्यांसाठी महत्त्वाची माहिती समोर आली आहे. योजनेचा 23 वा हप्ता जून महिन्यात जमा होणार असल्याच्या चर्चा सुरू असताना आता नवीन अपडेटनुसार हा हप्ता जुलै महिन्यात जमा होण्याची शक्यता व्यक्त केली जात आहे. (farmers) त्यामुळे शेतकऱ्यांमध्ये पुन्हा एकदा उत्सुकता वाढली आहे. केंद्र सरकारकडून अद्याप अधिकृत घोषणा करण्यात आलेली नसली तरी जूनच्या शेवटच्या आठवड्यात किंवा जुलैच्या पहिल्या आठवड्यात पात्र शेतकऱ्यांच्या खात्यात 2 हजार रुपये जमा होऊ शकतात, अशी माहिती समोर येत आहे.
पंतप्रधान नरेंद्र मोदी यांनी 13 मार्च 2026 रोजी गुवाहाटी दौऱ्यात पीएम किसान योजनेचा 22 वा हप्ता वितरित केला होता. (farmers) त्या वेळी देशातील 9.3 कोटींपेक्षा अधिक शेतकऱ्यांच्या खात्यात थेट लाभ हस्तांतरण (DBT) पद्धतीने रक्कम जमा करण्यात आली होती. या योजनेंतर्गत दरवर्षी पात्र शेतकऱ्यांना एकूण 6 हजार रुपये दिले जातात. हे पैसे तीन समान हप्त्यांमध्ये शेतकऱ्यांच्या खात्यात जमा होतात. योजनेच्या नियमांनुसार एप्रिल ते जुलै दरम्यान पहिला हप्ता, ऑगस्ट ते नोव्हेंबर दरम्यान दुसरा हप्ता आणि डिसेंबर ते मार्च या कालावधीत तिसरा हप्ता जमा केला जातो. त्यामुळे मार्चमध्ये 22 वा हप्ता मिळाल्यानंतर पुढील 23 वा हप्ता जुलैमध्ये येण्याची शक्यता अधिक मानली जात आहे.
दरम्यान, सरकारने बोगस लाभार्थ्यांना आळा घालण्यासाठी काही प्रक्रिया अनिवार्य केल्या आहेत. ई-केवायसी पूर्ण न केलेल्या किंवा भू-सत्यापन बाकी असलेल्या शेतकऱ्यांना हप्त्याचा लाभ मिळणार नाही.(farmers) तसेच आधार कार्ड बँक खात्याशी लिंक असणेही आवश्यक आहे. सरकारने एग्रीस्टॅक पोर्टलवर नोंदणी करणेही महत्त्वाचे केले आहे. या सर्व प्रक्रिया वेळेत पूर्ण न केल्यास खात्यात पैसे जमा होण्यास अडचणी येऊ शकतात.शेतकऱ्यांना आपल्या नावाची पडताळणी घरबसल्या करता येणार आहे. त्यासाठी PM Kisan अधिकृत वेबसाईट वर जाऊन “Farmer Corner” मधील लाभार्थी यादी तपासावी लागेल. आधार क्रमांक किंवा खाते क्रमांक टाकल्यानंतर पेमेंट स्टेटसची माहिती पाहता येईल.योजनेविषयी कोणतीही अडचण असल्यास शेतकरी हेल्पलाईन क्रमांक 1800-115-5525 वर संपर्क साधू शकतात. सरकारकडून वेळोवेळी दिल्या जाणाऱ्या सूचनांचे पालन केल्यास हप्त्याचा लाभ वेळेत मिळू शकतो.
हेही वाचा
ऑनलाईन औषध विक्रीविरोधात २० मे रोजी औषध दुकाने बंद..?