लोकप्रिय अभिनेत्री रश्मिका मंदान्ना(Entertainment news) बद्दल एक धक्कादायक बातमी समोर येत आहे. ही अभिनेत्री सध्या तिच्या ‘सिकंदर’ चित्रपटामुळे चर्चेत आहे, ज्यामध्ये ती बॉलिवूडचा भाईजान सलमान खानसोबत काम करत आहे. या चित्रपटाचे चित्रीकरण सध्या सुरू आहे, जे मध्येच थांबवावे लागले आहे. रश्मिका मंदान्ना जखमी झाल्याचे सांगितले जात आहे आणि त्यामुळे ‘सिकंदर’चे शूटिंग थांबवण्यात आले आहे. या बातमीने आता चाहते निराश झाले आहे.
रश्मिका मंदान्ना(Entertainment news) जखमी झाल्याची बातमी तिच्या चाहत्यांनाही चिंता करू शकते. रश्मिकाला ही दुखापत कशी झाली? आणि आता अभिनेत्रीची तब्येत कशी आहे. आपण जाणून घेणार आहोत.
वास्तविक, मीडिया रिपोर्ट्समध्ये असा दावा केला आहे की रश्मिका मंदान्ना सलमानसोबत ‘सिकंदर’ चित्रपटाचे शेवटचे शेड्यूल आजपासून म्हणजेच १० जानेवारीपासून सुरू करण्याची तयारी करत होती. पण शूटिंग सुरू होण्यापूर्वीच, अभिनेत्रीने जिममध्ये स्वतःला जखमी केले. अभिनेत्री जखमी झाल्यानंतर, चित्रपटाचे चित्रीकरण सध्या थांबवण्यात आले आहे. या बातमीने चाहते आता चिंतेत आहेत.
रश्मिका मंदानाच्या जवळच्या व्यक्तीने सोशल मीडियावर सांगितले की, आता ती शूटिंग सुरू करण्यापूर्वी ब्रेक घेत आहे जेणेकरून ती बरी होईल. विश्रांती घेतल्यानंतर ती बरी होऊन लवकरच सेटवर परतणार आहे असे त्याने त्यांनी सांगितले आहे. तसेच, हा चित्रपट मार्च महिन्यात प्रदर्शित होणार आहे, परंतु या चित्रपटाचे चित्रीकरण अद्याप पूर्ण झालेले नाही. तथापि, निर्मात्यांना खात्री आहे की ते वेळेवर शूटिंग पूर्ण करू शकतील.
दुसरीकडे, आता चाहत्यांना दिलासा मिळाला आहे की रश्मिका मंदानाला कोणतीही गंभीर दुखापत झालेली नाही. तिला जिममध्ये काही दुखापत झाली होती, त्यानंतर ती डॉक्टरांच्या सल्ल्याचे पालन करत आहे आणि विश्रांती घेत आहे. विश्रांती घेतल्यानंतर, अभिनेत्री बरी होईल आणि पुन्हा एकदा जोरदार पुनरागमन करेल याची चाहत्यांना खात्री आहे. अभिनेत्रीला पुढील बॉलिवूड चित्रपटात पाहण्यासाठी सर्वजण उत्सुक आहेत. ‘अ‍ॅनिमल’ मध्ये रश्मिका मंदान्नाचे खूप कौतुक झाले. आणि तिने चाहत्यांच्या मनात स्थान मिळवले.
हेही वाचा :
घटस्फोटाच्या बातम्यांदरम्यान चहलचा या आरजेसोबतचा फोटो व्हायरल, चाहते झाले चकित!
महाविकास आघाडीमध्ये वार पलटवार; ‘ती’ टीका लागली कॉंग्रेसच्या जिव्हारी, वडेट्टीवारांनी दिले प्रत्युत्तर
देशपातळीवरील ‘इंडिया आघाडी’ विसर्जित होणार? महाराष्ट्रातील नेत्यांच्या नाराजीनाट्यमुळे बसणार फटका
‘आठवड्यातून 90 तास काम करा’वरुन दीपिकाने थेट L&T अध्यक्षांना सुनावलं