देशातील आघाडीच्या रिटेल साखळ्यांपैकी एक असलेल्या डी-मार्टमध्ये विविध पदांसाठी भरती प्रक्रिया सुरू असून (D-Mart) रोजगाराच्या शोधात असलेल्या युवक-युवतींसाठी ही एक चांगली संधी मानली जात आहे. शहरांसह उपनगरांमध्ये नव्या स्टोअर्सचा विस्तार होत असल्याने कंपनीकडून नियमितपणे कर्मचाऱ्यांची नियुक्ती केली जाते.
डी-मार्टमध्ये कॅशियर, सेल्स असोसिएट, स्टोअर ऑपरेटर, ग्राहक सेवा प्रतिनिधी, सुपरवायझर आणि इतर अनेक पदांसाठी उमेदवारांची निवड केली जाते. विशेषतः महिला उमेदवारांनाही मोठ्या प्रमाणात रोजगाराच्या संधी उपलब्ध करून दिल्या जातात.नोकरीसाठी अर्ज करणाऱ्या उमेदवारांचे वय किमान 18 वर्षे असणे आवश्यक आहे. पदाच्या स्वरूपानुसार कमाल वयोमर्यादा बदलू शकते. (D-Mart) काही वरिष्ठ पदांसाठी अनुभवासह अधिक वयोमर्यादाही लागू असू शकते.
शैक्षणिक पात्रतेबाबत दहावी, बारावी किंवा पदवीधर उमेदवारांना विविध पदांसाठी संधी दिली जाते. रिटेल क्षेत्रातील अनुभव असलेल्या उमेदवारांना प्राधान्य दिले जात असले तरी अनेक पदांसाठी फ्रेशर्सनाही संधी उपलब्ध असते.डी-मार्टमध्ये नोकरीसाठी अर्ज करण्यासाठी उमेदवारांना दोन पर्याय उपलब्ध आहेत. इच्छुक उमेदवार जवळच्या डी-मार्ट स्टोअरमध्ये जाऊन थेट बायोडेटा सादर करू शकतात. (D-Mart) तसेच कंपनीच्या अधिकृत संकेतस्थळावर उपलब्ध असलेल्या करिअर विभागातूनही ऑनलाइन अर्ज करता येतो.अर्ज करताना आधार कार्ड, शैक्षणिक कागदपत्रे, पासपोर्ट आकाराचा फोटो आणि संपर्कासाठी आवश्यक माहिती सादर करावी लागते. पात्र उमेदवारांची छाननी झाल्यानंतर त्यांना मुलाखतीसाठी बोलावले जाते. वाढत्या विस्तारामुळे डी-मार्टमध्ये रोजगाराच्या संधी सातत्याने उपलब्ध होत असून अनेक युवक-युवती या संधीचा लाभ घेत आहेत.
हेही वाचा :
रिमझिमल्या जलधारा ! मुसळधार पावसाचा उद्यासाठी ‘यलो अलर्ट’
