भारत आणि अफगाणिस्तान यांच्यातील एकदिवसीय मालिकेतील तिसरा आणि अंतिम सामना चेन्नईतील चेपॉक स्टेडियमवर खेळला जात आहे. अफगाणिस्तानचा कर्णधार हशमतुल्ला शाहिदीने नाणेफेक जिंकून प्रथम फलंदाजी करण्याचा निर्णय घेतला आहे. या सामन्यात भारतीय संघ प्रथम गोलंदाजी करत आहे. अफगाणिस्तानने या सामन्यासाठी आपल्या प्लेइंग इलेव्हनमध्ये चार बदल केले आहेत, (Team India) तर भारतीय संघानेही आपल्या प्लेइंग इलेव्हनमध्ये तीन बदल केले आहेत. भारतीय संघ व्यवस्थापनाने हर्ष दुबे, प्रसिद्ध कृष्णा आणि नितीश रेड्डी यांना या सामन्यात संधी दिली आहे. केएल राहुल, कुलदीप यादव आणि अर्शदीप सिंग या सामन्यात खेळत नाहीत.
बऱ्याच कालावधीनंतर भारतीय संघात पुनरागमन करणाऱ्या हर्षित राणालाही या सामन्यात खेळण्याची संधी मिळाली नाही. तर कुलदीप यादवला प्लेइंग इलेव्हनमध्ये स्थान मिळालेले नाही. त्याचा परफॉर्मन्स पाहता ही भीती होतीच पण अखेर ती खरी ठरली. हर्षित राणाला या शेवटच्या सामन्यात संधी मिळेल असे वाटत होते पण तसे काही झाले नाही. (Team India) यामुळे सर्वांनाच आश्चर्याचा धक्का बसला आहे. नाणेफेकीवेळी कर्णधार शुभमन गिल म्हणाला, “खेळपट्टी खूप चांगली दिसत आहे. जर आम्ही नाणेफेक जिंकलो असतो, तर आम्ही प्रथम फलंदाजी केली असती. मागील सामन्यात उष्णता अधिक होतील आणि आज हवामानही तसेच राहण्याची शक्यता आहे. ज्या क्षेत्रांवर आम्ही काम करत आहोत, त्यामध्ये सातत्याने चांगली कामगिरी करण्यावर आमचे लक्ष आहे. धावांचा पाठलाग करणे हे एक असे क्षेत्र आहे जिथे आम्ही अद्याप चांगली कामगिरी केलेली नाही.”
तिसरा सामना पावसामुळे रद्द होणार? जाणून घ्या कसं असेल हवामान भारतीय संघाने आतापर्यंत मालिकेतील पहिल्या दोन सामन्यांवर वर्चस्व गाजवले आहे. धरमशाला येथे खेळल्या गेलेल्या पहिल्या एकदिवसीय सामन्यात भारतीय संघाने 7 गडी राखून विजय मिळवला. (Team India) पावसामुळे व्यत्यय आलेल्या त्या सामन्यात भारतीय संघासाठी शुभमन गिलने 66 चेंडूंमध्ये 84 धावांची नाबाद खेळी केली. मालिकेतील दुसऱ्या सामन्यात भारतीय संघाने अफगाण संघाचा 170 धावांनी एकतर्फी पराभव केला. त्या सामन्यात भारतीय संघासाठी इशान किशन आणि कर्णधार शुभमन गिल यांनी शानदार शतके झळकावली.
भारत- यशस्वी जायसवाल, रोहित शर्मा, शुभमन गिल (कर्णधार), ईशान किशन, श्रेयस अय्यर, नीतीश रेड्डी, वॉशिंगटन सुंदर, गुरनूर ब्रार, हर्ष दुबे, प्रसिद्ध कृष्णा, प्रिन्स यादव
अफगानिस्तान- रहमानुल्लाह गुरबाज, इब्राहिम जादरान, मोहम्मद नबी, रहमत शाह, डार्विश रसूली, हशमतुल्लाह शाहिदी (कर्णधार), अजमतुल्लाह ओमरजाई, राशिद खान, अल्लाह गजनफर, जियाउर्र रहमान, फरीद मलिक
हेही वाचा :
इंधन दरवाढ की दिलासा? पाहा आजचे पेट्रोल-डिझेलचे ताजे भाव?
1500 की 3000 लाडक्या बहिणींच्या बँक खात्यावर नेमके किती रुपये जमा?
