नाशिक विधान परिषद स्थानिक स्वराज्य संस्था मतदारसंघाच्या निवडणुकीनंतर महायुतीतील अंतर्गत राजकारण पुन्हा चर्चेत आले आहे. शिवसेना शिंदे गटाने अलीकडेच उद्धव ठाकरे गटातील काही खासदारांना आपल्या गोटात आणत ‘ऑपरेशन टायगर’ यशस्वी झाल्याचा दावा केला असताना, (elections) नाशिकच्या निकालाने राजकीय समीकरणांना वेगळेच वळण दिल्याची चर्चा सुरू झाली आहे. या निवडणुकीत अपक्ष उमेदवार गोकुळ गिते यांच्या विजयामुळे भाजपनेच शिंदे गटाला अप्रत्यक्ष धक्का दिल्याचे बोलले जात आहे.
गोकुळ गिते हे भाजपचे ज्येष्ठ नेते आणि मंत्री Girish Mahajan यांचे निकटवर्तीय मानले जाणाऱ्या गणेश गिते यांचे बंधू आहेत.(elections) त्यामुळे त्यांच्या विजयामागे भाजपमधील काही प्रभावी नेत्यांचा पाठिंबा असल्याची चर्चा राजकीय वर्तुळात रंगली आहे. निवडणूक प्रचारादरम्यान भाजपने अधिकृतरीत्या तटस्थ भूमिका घेतल्याचे चित्र निर्माण झाले असले, तरी प्रत्यक्षात स्थानिक पातळीवर अनेक कार्यकर्ते आणि नाराज गटांनी गोकुळ गिते यांना मदत केल्याचे निकालानंतर स्पष्ट झाल्याचे सांगितले जात आहे. निवडणुकीच्या अखेरच्या टप्प्यात उपमुख्यमंत्री Eknath Shinde यांनी स्वतः मैदानात उतरून परिस्थिती आपल्या बाजूने वळवण्याचा प्रयत्न केला होता. मात्र मतदान आणि मतमोजणीतील घडामोडींनी वेगळेच चित्र समोर आणले. विशेषतः क्रॉस व्होटिंगच्या चर्चेमुळे महायुतीतील समन्वय आणि अंतर्गत नाराजी पुन्हा एकदा ऐरणीवर आली आहे.
या निकालानंतर राजकीय विश्लेषकांमध्ये ‘ऑपरेशन टायगर’ची उलटी आवृत्ती नाशिकमध्ये पाहायला मिळाली का, असा प्रश्न उपस्थित केला जात आहे. शिंदे गटाने विरोधी पक्षातील नेत्यांना आपल्या बाजूने वळवण्याची मोहीम राबवली असताना, नाशिकमध्ये मात्र त्यांच्या प्रभावाला धक्का बसल्याचे चित्र दिसून आले. (elections) त्यामुळे आगामी स्थानिक स्वराज्य संस्था आणि महापालिका निवडणुकांच्या पार्श्वभूमीवर महायुतीतील अंतर्गत राजकारण अधिकच तापण्याची शक्यता व्यक्त केली जात आहे.
हेही वाचा :
इंधन दरवाढ की दिलासा? पाहा आजचे पेट्रोल-डिझेलचे ताजे भाव?
1500 की 3000 लाडक्या बहिणींच्या बँक खात्यावर नेमके किती रुपये जमा?
