जगातील आघाडीच्या उद्योजकांमध्ये गणना होणारे Elon Musk पुन्हा एकदा चर्चेत आले आहेत. (entrepreneurs) प्रचंड संपत्ती असूनही त्यांच्या जवळ प्रत्यक्षात किती रोख रक्कम आहे, याबाबत त्यांनी स्वतः खुलासा केला आहे. जगातील सर्वात श्रीमंत व्यक्तींमध्ये अग्रस्थानी असलेल्या मस्क यांची एकूण संपत्ती शेकडो अब्ज डॉलरमध्ये आहे, मात्र त्या संपत्तीपैकी अत्यंत कमी भाग रोख स्वरूपात असल्याचे त्यांनी सांगितले.
Forbes च्या अहवालानुसार मस्क (entrepreneurs) यांची संपत्ती सुमारे 850 अब्ज डॉलरच्या आसपास असल्याचे मानले जाते. परंतु सोशल मीडिया प्लॅटफॉर्म X वर केलेल्या पोस्टमध्ये मस्क यांनी स्पष्ट केले की त्यांच्या एकूण संपत्तीपैकी 0.1 टक्क्यांपेक्षाही कमी रक्कम कॅश स्वरूपात आहे. म्हणजेच अब्जावधी डॉलरची मालमत्ता असली तरी प्रत्यक्ष हातात असलेली रोकड तुलनेने अत्यल्प आहे.
मस्क यांची बहुतांश संपत्ती ही त्यांच्या कंपन्यांमधील (entrepreneurs) हिस्सेदारीमुळे आहे. विशेषतः Tesla आणि SpaceX या कंपन्यांतील त्यांच्या मोठ्या भागभांडवलामुळे त्यांची संपत्ती चढ-उतार करत असते. गेल्या सहा महिन्यांत टेस्लाच्या शेअर्समध्ये मोठी वाढ झाली, तर अनलिस्टेड बाजारात स्पेसएक्सचे मूल्यांकन झपाट्याने वाढले. यामुळे मस्क यांच्या एकूण संपत्तीतही मोठी भर पडली आहे.
मस्क (entrepreneurs) यांनी सांगितल्याप्रमाणे ते मोठ्या प्रमाणावर रोख रक्कम साठवून ठेवत नाहीत. उलट, मिळालेला नफा आणि कमाई ते पुन्हा आपल्या उद्योगांमध्ये गुंतवतात. त्यामुळे त्यांची संपत्ती ही ‘पेपरवेल्थ’ स्वरूपात अधिक आहे, म्हणजेच शेअर्स आणि इक्विटीमधील गुंतवणुकीतून निर्माण झालेली मालमत्ता. शेअर बाजारात कंपन्यांच्या किमती वाढल्या की त्यांची संपत्ती वाढते आणि घसरल्यास ती कमी होते.
जगातील पहिला ट्रिलियन डॉलर संपत्तीचा टप्पा गाठणारा (entrepreneurs) उद्योजक म्हणून मस्क यांच्याकडे पाहिले जात असताना, त्यांच्या आर्थिक मॉडेलमुळे संपत्तीची पारंपरिक संकल्पनाही बदलताना दिसते. रोख रक्कमेपेक्षा भांडवली गुंतवणूक आणि बाजारमूल्यावर आधारित संपत्ती यावर त्यांचा भर असल्याचे त्यांच्या विधानातून स्पष्ट झाले आहे.